ڕێکوزیا و جەمە و مافو مرۆڤی کوردەتان ئامارە و کوشتەی و گیان جەدەسدای ژەناش وەڵاکەردۆ کە بە شێوێ گوماناویی جە مانگە و حوزەیرانو ئێساڵینە جە وەرکەوتوو کوردەسانینە کوشیێنێ.

جە ئامارەکێنر ئاماژە پانەی کریان، حەر جە ماوەو مانگە و حوزەیرانو ئێساڵینە ١٠ ژەنێ جە وەرکەوتوو کوردەسانینە کوشیێنێ و نۆ ژەنیش بە شێوێ گوماناوی گیانشا جەدەسدان کە مەڵامەتەکەش ڕۆشن نییا.

یاگێ ئاماژەینر، جە ساڵە و ویەردەینە جە وەرکەوتوو کوردەسان یو ئێرانی، ١٥٨ ژەنێ کوشیێنێ و ١٦ هەزار و ٥٦٧ تنوتیژی خێزانی دژ بە ژەنا تۆمار کریان.