ئەنداماو شاندو ئیمراڵیی پارتو یەکسانی و دیموکراسیی گەلا (دەم پارتی) پەروین بوڵدانە و میدحەت سانجار، سەعات ١٥:٠٠ چنی سەرۆککۆمارو ئاکەپەیی تەیب ئەردۆغانی گلێرێ بیێوە.

سەرۆکو دەزگاو میتی ئیبراهیم کاڵن و یاگەگیرو سەرۆکو گرڏی ئاکەپەی ئەفکان ئالا بەشداری گلێرۆبییەکەی بیێ.

شاندەکە دەربارەو گلێرۆبییەکەی ئەرەیاونێوە نوویسریاش وەڵاکەردۆ.

ئەرەیاوناکەی جەلایەنو نووسینگەو ئەرەیاونا و دەم پارتییۆ وەلاکریاوە، ئەرەیاوناکەی پی جۆرەنە:

"میدیاکارا ئێژا؛

ئەنداماو شاندو ئیمراڵیی دەم پارتی، پەروین بوڵدانە و میدحەت سانجار، ئارۆ کۆشکە و سەرۆکایەتیی کۆماری چنی ئێژا سەرۆککۆمار ڕەجەب تەیب ئەردۆغانی گلێرێ بیێوە. شاندەکەما سەرنج و پێشنیارییەکێ وێشا دەربارەو قۆناغو تازە و پرۆسەکەی و ئا چێوێ کە پەنەواز کریۆ چیزەولای کریۆ، وست ڕووە. جە گلێرۆبییەکەینە واوەی کریاوە کە هەردووی لا پاگیریێنێ سەر و ئیرادەو درێژەدای بە پرۆسەکەی".