کۆنگرەو نەتەوەیی کوردەسانی (کەنەکە) ئەنجامنامەو گلېرۆبیەو ئاسایی ۋێش وەڵا کەرڎۆ کە بە بەشداری فرەو ئەنداماش جە بارەگاو کەنەکەی جە برۆکسلەنە بیناش، جە ئەنجامناکەنە جەخت سەرو پەنەوازی پەشتیوانی جە بانگەوازو ئاشتی و گلېرگەی دیمورکراتیکی کریانۆ.
جە ٥ و تەممووزینە، کۆنسەو ڕاوەبەری کۆنگرەو نەتەوەیی کوردەسانی (کەنەکە) گلېرۊبیەو ئاسایی ۋێش بینا، ئارۆیچ دەرەنجامو گلېرۊبیەکەیش وەڵا کەرڎۆ.
جە گلېرۆبیەو کۆنسەو ڕاوەبەری کەنەکەینە یاگەگیرو هامسەرۆکا گرڎیی، ۋەرپەرسا کۆمسیۆنەکا و کۆمیتەکې دیارییکریې.
جە دەرەنجامەکەنە کەنەکە ئاماژەش پانەی دان، کە گلېرۆبیەو دووەمو کۆنسەو ڕاوەبەری کەنەکەی جە بارەگای سەرەکینە جە بڕۆکسل جە ٥ و تەممووزو ٢٠٢٥ ینە بینیان، بە مەڵامەتوو نەبیەی ڤیزەی و مەڵامەتی تەکنیکیوە ئەندامەکېما جە پانیشتوو ۋەرنیشتوو کوردەسانی نەتاواشا حزورشا بۆ گلېرۆبیەکەنە بەڵام بەشێوێوە ئۆنلاین ئاماڎې گلېرۆبیەکەی بیې.
بەپاو دەرەنجامەکەی، کۆنسەو ڕاوەبەری کەنەکەی جە گلېرۊبیەکەیشەنە سەرنجش وستەن سەرو، پرۆسەو ئاشتی و بنیاڎنیای گلېرگەو دیموکراسی جە سەرنیشتوو کوردەسانی، گفتوگۆکې بەینو ۋەرنیشتوو کوردەسانی و دیمەشقی، پێکناوردەی حکومەتی جە پانیشتوو کوردەسانینە و قەیرانە بەردەوامەکې و ئاژەو هاموڵاتیا و کێشە هۊرواسیێکې بەینو هەرێمی و بەغڎای، جەنگو ئێرانی و ئیسرائیلی و ئاژەو ۋەرکۊتوو کوردەسانی.
هەر جە دەرەنجامەکەنە ئامان، کە کەنەکە جە گلېرۊبیەکەیشەنە یاگەگیرې هامسەرۆکاو گرڎیی، ۋەرپەرسې کۆمسیۆن و کۆمیتەکاش دیاریې کەردێنې.
نامې و ۋەرپرسیاری ئا کەسا کە هۊرچنیێنې پی جۆرەنە:
یاگەگیرې هامسەرۆکا: نورێ ئەلکیشە و فاروق جەمیل
کۆمسیۆنو هەرمانو کارو جبەری
ۋەرپەرس: نیلوفەر کۆچ و ڕۆژین موکریانە
کۆمسیۆنو ژەنا
ۋەرپەرسە: شیلان ئیمینئۆغڵووە
کۆمسیۆنو زوان و كلتوور و پەروەردەی
ۋەرپەرس: عوسمان ئەرگین و د.شێرکۆ محمەد ئه‌مین
کۆمسیۆنو ژیۋگەی
ۋەرپەرس: شەهلا حەفید
كۆمسیونو مافو مرۆڤی
ۋەرپەرس: سەعید سنه‌نده‌جی و یه‌عکۆب میرزا و پەروین عەزیزە
كۆمیته‌و دارایی
ۋەرپەرس: زوبێر ئایدار
کۆمیتەو ئەرەیاۋنای
ۋەرپەرس: ڕەفیق غه‌فور
