شاندێوە جە پەرلەمانتارێ و ڕێکوزیاکا ئەورووپای بە مەبەسو پەشتیوانیکەردەی جە دیموکراتیزەکەردە و وەرکەوتوو دلێڕاسەی بە گرڏی کوردەسان بە تایبەتی سەردای نوێنەرایەتی ئیدارەو وێڕاوەبەریشا کەرد جە پانیشتوو کوردەسانی.
ئارۆ نوێنەرێ ئیدارەو وێڕاوەبەری سەرنیشتوو وەرکەوتوو سووریای جە شارو سلێمانی پێشوازیشا جە شاندێوە ئەوروپی کەرد، کە پێکئامێبێنێ جە نوێنەرێ ڕێکوزیێ، پارتێ سیاسی و پەرلەمانتارێ وڵاتە جیاوازەکا ئەورووپای جە لایەن و نوێنەرایەتی ئیدارەو وێڕاوەبەری پێشوازیشا چنە کریا.
زانیان شاندەکە بە مەبەسو کۆکردنەوەیگلێرۆکەردەی پەشتیوانی و یەکدەنگی پەی وەرنیشتوو کوردەسانی سەردای نوێنەرایەتی خۆسەریشا کەردەن، هەرپاسە ئامانجو بنەڕەتی پەشتیوانکەردەکەی جە دیموکراتیزەکەردە و هەرێمەکەی.
شاندەكە پێکئامێبێنێ جە پەرلەمانتار مارتن شیردوان، هامسەرۆکو پارتو چەپی جە پەرلەمانو ئەورووپای، فیلیپ دیگنهارد یاگرگیرو ڕاوەبەرو ئەرەمەزیارە و ڕۆزای لۆکسمبۆرگ، فایەق یاگزای نوێنەرو پارتو دیموکرات و ئەڵمانیای ( جە دامودەزگاکا ئەوروپای جە ستراسبۆرگ)، دکتۆرە سارا گلێنە ڕاوێژکارە و فایک یاگیزای، منۆرا فرێزە وێندنبێرگ یاریدەدەرو مارتن شێردوان.
جە سەردانەکەینە قسێ کریا جەبارەی دۆخو دیموکراسی جە وەرکەوتوو دلێڕاسەی و سەرنیشتوو و وەرکەوتوو سووریای، هامکاتەنە وەربەستەکێ وەردەمو دیموکراسییەتی و تەرسەکێ ویر و تندڕەوی، هەرپاسە هورسەنگنای پەی چالاکی و واوەی سەر هوردایۆ چەتەكا داعشی کریا و جەختکریاوە چانەی سەر هوردایۆ داعشی تەرسێ بەردەوامەنە پەی سەر و هەرێمەکەی.
