ئارۆ ئەنقەرەنە پارتو چەپی سەوزی کۆنگرە و وێس ئەنجام دا، جە کۆنگرەکەنە کە نوێنەرا پارتەکەی و ژمارێوە فرە جە نوێنەرو پارتە سیاسییەکا و ڕێکویا گلێرگەییەکێ بەشدارێ بێنێ، تونجەر باقرخان هامسەرۆکو گرڏی پارتو یەکسانی و دیموکراسی گەلا (دەم پارتی) قسێش کەردێ.

تونجەر باقرخان دماو سلام کەردەی جە کۆنگرەکەی سەرنجز وست سەر و پێشئامایەکا وەرکەرتوو مییامینی و اتش: "ئینایمێ وەرپرسیارێتیێ تاریخییەینە گرڏ و گەلا پێوەرە بە زوان و، کلتوور و شناسنامە و وێشۆ بە شێوێوە دیموکراتیک کۆشش بکەرا. ئێژا ئۆجالان باسش جە "سۆسیالیزمو گلێرگە و دیموکراتیک"ـی کەرد. پۆکەی پەنەوازا وێما تازە بکەرمێوە. بە کردار و گوفتارو وێماوە سۆسیالیزمو دیموکراتیکی کەرمێنە بناغەو گلێرگێوە دیموکراتیک."

تونجەر باقرخان جە قسەکاشنە سەرنجز ست سەرو  پرۆسەکەی و جەختش چانەیە کەردۆ  گەلوو کوردی و ژەنیش بە ئازادی شناسنامە و وێساوە بژیومێ و واتش: "جە وەرکەوتوو مییامینینە گەلێ کە بێ شناسنامە بێ، جارۆنە بییەن بە ئشناسیا تەرین و چالاکترین میللەت. ئامانجما سیستەمێوە دیموکراتیکا، یەکسان و دادپەروەر بنیاد بنییەیمێ."

تونجەر باقرخان جە دما دماو قسەکاشەنە سەرنجش وست سەر و گرنگی ڕێکوزتەی و ئینەش وات: "چنە ڕێکوزیا بیمێ ئنەیش بەهێزێ بیمێ. شمەی شۆنکەوتە و دەنیزی، ماهیر، مەزڵومەکێ و ساکینەکا بیدێ ئاڏێ تاوانە بنەڕەتو چێوەکا فاڕا. ئانی مەتاوانە ڕێکوزیێ بانە بە دڵنیاییۆ دلێنە مشا. پەنەوازا گەلەکەما سەرگنۆ و سەرکەوتەی پەی گرڏ و ئا کەسانە کە  نکۆڵی جە شناسنامەیشا کریۆنە. ئی پرۆسەیە گرڏ و گەلا تورکیای گێرۆوە. جە ئیسەنە تورکیایێ هورشێویاوە ئینا وەڵێمانە. ئاشتی مکەرمێ دیاری گرڏ و گەلا. کاتی ئەوەکۆشای هامبەش وەرفراون مکەرا. کاتو دەس وستەی دیموکراتیکییەکان. هیوڏارەنا سەرێ گنمی، سلام جە کۆنگرەکەی مکەر و."