ڕاوێژكارو ئەڵمانیای فریدریش مێرز هەڵوێسو وڵاتەکەیش جە بارەو هرووژمەکا ئیسرائیلیۆ ئەرەیاونا و واتش: "ئانەی جە چن ڕۆی ویەردەنە ڕووەشدا، چانەی مەشۆ پەی وەرەنگاربییەیۆ حەماسی بۆنە، ئێمە زیاتەر ناڕەحەتێنمێ جە زیاڏبییەی هرووژمە سەروازییەکا ئیسرائیلی جە غەززەنە.
ڕاوێژكارو ئەڵمانیای فریدریش مێرز سەبارەت بە زیابییەی هرووژمەکا ئیسرائیلی پەی سەر و غەززەی و كوشتە و ژەنێ و زاڕۆڵەی بێتاوان و ئاوارەكەردە و ئەرەنیشتا شارەكەی، پەی میدیاكا وڵاتەكەیش قسێش کەردێ و واتش: "ئێمە زیاتەر نیگەرانێنمێ جە چڕبییەیۆ هرووژمە سەروازییەکا ئیسرائیلی سەر و غەززەی، هرووژمەکا ئی دماییە و ئیسرائیلی پنەش مەشۆ پەی وەرەنگاربییەیۆ تیرۆریزمو حەماسی بۆنە."
ڕاوێژكارو ئەڵمانیای فریدریش مێرز نگەرانی وێش جە زیاڏ بییە و بەردەوامی هرووژمەکا ئیسرائیلی پەی سەر و کەرتو غەززەی بەربڕی و واتش: "سەڕێحانە واچو ئیتر جە ئامانجو ئا هەرمانێ مەیاونە، كە سوپاو ئیسرائیلی ئیسە جە كەرتو غەززەینە مکەرۆش، ئینە ئێشا پەی خەڵكو مەدەنی."
لاو وێشۆ ڕۆن پرۆسۆر باڵیۆزو ئیسرائیلی جە ئەڵمانیا واتش: "حكومەتەكەما ڕەخنەكێ ئەڵمانیایش جە كردەوەكا وڵاتەكەیش جە كەرتو غەززەی بە جددی هورگێرۆنە، چونكە ئەڵمانیا وڵاتێوە دۆسا."
