جە ٣٢مین ساڵیادو شەهید بیەیشەنە پلاتفۆرموو هۆرام-ی: ئازاد هەورام گیڤارا کوردستانی بێ

٣٢ ساڵێ سەرو شەهیدبیەی پێشمەرگە، سەرکردە و هونەرمەند (ئازاد هەورامی)ـەرە دەرباز بی و پلاتفۆرموو هۆرام-ی جە ئەرەیاونایێوەنە (ئازاد هەورامی)ش بەگیڤاراو کوردستانی نامێ بەردەن.

جە ٣٢مین ساڵیادو شەهید بیەی پێشمەرگە، سەرکردە و هونەمەد (ئازاد هەورامی)یەنە، پلاتفۆرموو هەورامی ئەرەیاونایش دان و سەرەڕاو ئانەیە کە هەورامی بە گیڤاراو کوردستانی بەنمێ مەکەرۆنە دەستنیشانش کەردەن: "بە داخەی گرانەوە پا جۆرە کە وینمێ جە دمای ٣٢ ساڵان هاوەڵێ و هامسەنگەرەکێ ئازاد هۆرامی نەتاواشان ڕاو و ئامانجەکێ ئی سەرکردەیە بیاونان مەنزڵگە، بەڵکو بە پێچەوانەوە دژ و ویر و باوەری هەزاران شەهیدا پسۆ ئازادەکا هەنگامەشان نیێنە".

تەمامی ئەریاونایەکەو پلاتفۆرموو هۆرام-ی بە بۆنەو ٣٢مین ساڵیادو شەهیدبیەی ئازاد هۆرامی:

جە یادو ٣٢ ساڵەو شەهیدبیەو ڕابەر، فەرماندەی نەتەوەیی، رووناکویر و شکۆدارو ئازادی و یەکسانی گەلەکەیمانە، ئارۆ بە داخەی گرانەوە پا جۆرە کە وینمێ جە دمای ٣٢ ساڵان هاوەڵێ و هامسەنگەرەکێ ئازاد هۆرامی نەتاواشان ڕاو و ئامانجەکێ ئی  سەرکردەیە بیوان مەنزڵگە، بەڵکو بە پێچەوانەوە دژ و ویر و باوەری هەزاران شەهیدا پسۆ ئازادەکا هەنگامەشان نیێنە، بە جۆرێ کە تاومێ واچمێ شارتەیۆ کەسایەتی و باوەڕی کەسانێ پسۆ ئازاد هۆرامی پێ نەوەو سەردەمی و گرنگی نەدای بە ئامانجەکاشان لادایەن جە خەباتو سەدان و هەزاران شەهیدا کە پەێ یاوای بە ژیوایە ئازاد و یەکسان گیانشان بەخشان.

کەسایەتی و خەبات و کۆشیای ئازاد هۆرامی مەدرەسێوەن پێ نەسلو ئاڕۆی کە جە راسی خەباتی نەتەوەیی و یەکسانیوازی بیاوانە. ئەگەر تەماشەو شێوەو خەبات و ژیواو ئا فرماندەیە بکەرمێ وینمێ کە ژیوایش ڕەنگدانەوەش جە گردوو بەشەکا خەباتینە بیەن. ڕووناکویری، ئازایەتی، نەتەوایەتی، یەکسانیوازی و جە گردی گرنگتەر، گرنگیدایش بە هونەری جە وەختوو جەنگی و مدرامانینە، ئینە ئا پەیامەیە میاونۆنە کە ئامانجش ژیوایە پەر جە ئاشتی و وەشی پەی خەڵکی بیەن کە بە گرنگیدای بە هونەری پەنەش بیاومێ. ئانە کە نامێ فرەو شکۆدارا جیهانی پسۆ گاندی، ماندیڵای، ئوجالان و گیڤارا و هەزاران ئینسانێ تەرێ تا ئارۆ مەنێنێ بەشێش کاریزما بیەو ئا کەسا بیەن، بەشی هەرە فرەش بەردەوامی دای بیەن بە ئامانج و باوەریەکانو ئا کەسایەتیا جە لاو رەفێقێ و هامسەنگەرەکاشانەوە. هەر پەوکەی ئارۆ ئا ڕاسیەمان پەی بەرمەگنۆ کە هامسەنگەرەکێ ئازاد هۆرامی بەشێ هەرە فرەشان جە فەرامۆشکەردەو ئی سەرکردەیە وەربگنۆنە.

پلاتفۆرموو هۆرام-ی جە ڕوێ پسۆ ئاڕۆینە سەرەڕاو گرنگیدای بە شێوەو خەبات، کەسایەتی و ویر و ئامانجەکێ شەهید ئازادی هەوڕامی، گردو ئا خاڵا کە پەی سەروستەی گەلەکەیمان جە یاوای بە ئازادی و ڕێکوستەی ژیوایە یەکسان و ئازاد جە کۆمەڵگانە بە خاڵێ سەرکەوتەو وێما مزانمێ و درێژە دەرێشانمێ.
 باوریچما ئانەن کە یاوای بە کوردستانی ئازاد و کۆمەڵگایە یەکسانی، بە کەردەیی کەردەی ئامانجو شەهیدا دەس پەنە بکەرۆنە . پەوچی تا نامێ ئازادەکان مەنۆنە، ڕاو و ئامانجەکاشان درێژەشا هەن.

دەستەو ڕاوەبەری پلاتفۆرموو – هۆرام-ی


کۆرتێوە جە ژیواو شەهید ئازاد هۆرامی:

خانەوادەو شەهید ئازاد هۆرامی بە بۆنەو دژایەتی دەسەڵاتوو ناوەندی عێراقی جە ٥٠ کانو سەردەی وەیەردەیەنە، جە شارۆچکەو تەوێڵێ وازیاوە پەی شارو کەرکووکی. شەهید ئازاد جە ساڵەو ١٩٥٤ جە گەرەکەو ئیمام قاسمی جە ئەڎێ مەبۆنە. جە ١٩٧٠ بەشداری جە رێکوستەو مسیارا کوردی مەکەرۆ و بەشداروو جموجوڵوو ئەیلوولوول مەکەرۆنە . جە ١٩٧٣ پەیوەندی بە کۆمەڵەو رەنجەدەرانو کوردستانی مەگێرۆن و هەر جە سەردەمەنە چەنی ڕابەری گەورەو کۆمەڵەی شەهید ئارام-ی جە ریکوستەو جوانا و کۆمەڵگای خەباتوو وێش درێژە مدۆن. جە ١٩٧٦ یۆهەمین دەسەو پێشمەرگەی بە ڕابەری وێش جە چەموو ڕێزانینە رێکمەوزۆنە.
جە ساڵەو ١٩٧٨ جە کارەساتوو هەکاری بەدیل مەگیریۆ و دمایی وێش ڕزگار مەکەرۆن. جە یۆهەمین کۆنفرانسەو کۆمەڵەی و یەکیەتی نیشتمانی کوردستانیەنە بە بۆنەو ئازایەتی و رووناکویری و چنەئامایی پسۆ ئەنداموو ڕاوەبەری هۆرچنیۆنە. جە ماوەو خەبات و کۆشایشیشنە، سەرەڕاو کەمی تەمەیش فرە ئەرکێ و وەرپرسیاریێش دریێ پنە و سەرجەمشان سەکەوتوانە پڕنێنێوە.  دمایین ئەرکش فرماندەیی بەرەنگاری بیەی سیاسەتو پرۆسەو ئەنفالکەردەی گەلەکەیمان بیەن کە دەسەڵاتو بەعسی جە کۆتایی ٨٠کانو سەدەی ویەردەیەنە دەستش پنەکەردەبێ. بەڵام بەداخەوە فەرماندەی ئازا کە بە چەک و گیتارەکێش جەنگ و هۆنەرش پەی سەروستەو ئامانجەکاش ئامێتە کەردەبێ، جە رۆ ٣٠ -٨-١٩٨٨ بە بۆردومانو رژیموو بەعسی جە دەگاو کۆنەکۆترو دۆڵەو باڵەیانی سەر بە قەندیل-ی بریاندار مەبۆنە و دماو یەک ڕۆی جە سەروەختو ئەوەفاڕایش جە شێخ ئایشێی پە ئاڵوەتانی جە ٣١-٨-١٩٨٨ی شەهید مەبۆنە.

 

ئازاد هەورامی

بۆ یادی شەهیدی سەرکردە ئازاد هەورامی

gk مەكتەبی سیاسی سەروەرییەكانی شەهید ئازاد هەورامی بەزیندویی دەمێنێتەوە. -  YouTube