سەرۆکو گرڏی مەهەپەی دۆڵەت باخچەلی جە پەیامێوەشەنە کە بۆنۆ و ئاما و جەژنە و قوربانیۆ دانش واتش: "جگە پارێزنای جە مافو واڵە-برایەتی هیچ چارە و ڕێوەتەرەما نییە." نە و بانگەوازش پەی خاوەنداریکەردەی جە پرۆسەکەی کەرد.
سەرۆکو گرڏی مەهەپەی دۆڵەت و باخچەلی بە بۆنۆ و ئاماو جەژنە و قوربانی پەیامێوەش وەڵاکەردۆ و جە پەیامەکەنە دەربارەو پرۆسەو چارەسەری بانگەوازش پەی خاوەنداریکەردەی جە پرۆسەکەی کەرد.
باخچەلی جە پەیامەکەنە واتش: "ئیدارەدای ئی وڵاتەی و خەڵکەکەش پەنەوازیش بە پیمای و بنەڕەتی ئەرەمەزنارە و کۆماری گرەنتی کریۆنە" و ئەرەیاوناش پەنەوازا تورکیا ئی هەلە تارخیێ و ئاڵتونێ جد دەس نەرۆنە و چی ڕوانگۆ وەرپرسیارێتی تاریخی گنۆنە ئەستۆو گرڏ کەسێوە.
باخچەلی ئەرەیاوناش دماو کیشیایۆ و چەکی، ئامانانجەکێ تورکیای پەی دەسەڵاتێوە بێهاوتا سەدەی تازەین و واتش: " سەرەڕاو پڕوپاگەندەو چەواشەکاری، هەواڵی ساختە، تۆمەتی بێ بنەما، بوختانە و تۆمەتی ناڕەوا، هەرگیز سازش سەر و خەباتو وێما مەکەرمێ. جگە جە ئاشتی هیچ چارێوە تەرما نییا."
باخچەلی جە پەیامەکەنە سەرنجش وستەن سەر و گرنگی واڵە -برایەتی هەزاران ساڵەو بەینو کوردی و تورکی و واتش: "بە ئازاییۆ پارێزگاری جە مافو واڵە-برایەتی بەینو نەتەوەکا تورکیای مکەرمێ. ئامانجو پیلانگێڵنا ئی مافو واڵە-برایەتییەینە. جگە جە پارێزنای چی مافا هیچ ڕێوەتەرەما نییەنە."
