سەرۆک فەرماندەیی گرڎینو ئێرانی عەبدولڕەحیم موسەوی واتش: ئەر ئیسرائیل جارێوەتەر هرووژم بکەرۆ سەرو ئێرانی، تەنانەت ئەمریکایچ نمەتاوۆ نەتانیاهۆی نەجات بڎۆ."
سەرۆک فەرماندەیی گرڎینو ئێرانی عەبدولڕەحیم موسەوی جە پەیامێوەنە ئاماژەش بە هرووژمەکا ئیسرائیلی کەرد پەی سەرو ئیرانی.
بە پاو پەیامەکەو موسەوی هرووژمەکې پەی سەرو ئێرانی بەشێوەنې جە پلانێوە درێژخایەنې و واتش: "دژمنا ١٥ ساڵېن پەی ئی جەنگەیە کە سەرو ئێمەرە سەپنانشا پلانەشا متێنەرە. دلېینەو ئێرانینە خەڵکشا پەرەوردە و بە ڕێکوستەی کەردەن. پلانەشا پەی وڕنای و پارچەکەردەو ئێرانی متێبێرە، بەڵام میللەتو ئێرانی سەرکۊت."
عەبدولڕەحیم موسەوی هەڕەشېش جە ئیسرائیلی کەردې جە ئەگەرو هرووژمېوەتەرینە پەی سەرو ئێرانی و واتش: "ئەر جارێوەتەر هرووژم بکەرا سەرو ئێرانی، ئا کاتە موینا چێش مکەرمې. تەنانەت ئا کاتە ئەمریکایچ نمەتاوۆ نەتانیاهۆی نەجات بڎۆ."
