هامسەرۆکو گرڏی دەم پارتی تونجەر باقرخان ئەرەیاوناش وەرکەوتوو دلێڕاسەی سەرجەنۆ مچیۆراوە، گرڏ چێوێ وشک و نەفاڕییا بۆنە بە هەڵمە و ملۆ هەوارە، واتش: " ئینایمه قۆناغێوە هەستیار و هورچنیێوە تاریخینە".
ئەندامێ ئەنجوومەنو پارتو یەکسانی و دیموکراسیی گەلا (دەم پارتی) پەی هورسەنگنای ڕۆژەڤەکا جە مییانو گرڏی پارتەکەی گلێرێ بیێوە، هامسەرۆکا گرڏی پارتەکەی تونجەر باقرخان و تولای حاتەم ئۆغۆللارە سەرۆکایەتیی گلێرۆبییەکەیشا کەرد.
وەرکەوتوو دلێڕاسەی سەر جەنۆ مچییۆراوە
وەڵێ گلێرۆبییەکەی باقرخان قسێش کەردێ و واتش: "جەهانێوە تازە، وەرکەوتێوە دلێڕاسەی تازە بنیات نریۆوە. جە نیمە و ساڵە و ٢٠٢٥نە، سیاسەتو مییاننەتەوەیی و وەرکەوتوو دلێڕاسەی، شۆنە و ڕێوە تازێرە گێڵۆنە. ئۆکرانیا بەمەڵامەتو جەنگیۆ سۆچۆنە، غەززە بەمەڵامەتو هرووژمەکا ئیسرائیلیۆ وێران بی. ڕەوشو عێراقی نادیارا، سوریا پارچە پارچەن. هەرپاسە بەمەڵامەتو هرووژەمکەردەی ئیسرائیلی و سیاسەتو ئەمنییۆ، ئێران ئینا دلێ گرژییێ هەمەلایانەینە. وەرکەوتوو دلێڕاسەی ئینا چی دۆخەنە. ڕووەدێ گۆرێ هەنێ و گرڏیما گێرۆ وێش. وەرکەوتوو دلێڕاسەی بە سەرکردایەتی وڵاتا کەنداوی جە ڕاو جەنگیۆ دیزاین کریۆوە".
ڕێککەوتە کۆنەکێ هورشێویاوە، گرڏ چێوێ وشک و نەفاڕییا دلێنەمشۆ
باقرخان واتش: "ڕێککەوتنەکێ وەڵینی یۆ بە یۆ هورشێویاوە، ڕێککەوتەی تازە بنیات نریۆنە. گێڵای دیپلۆماسی و ئەمنی تازە بەردەواما. بێگومان چی بەینەنە، ڕێڕەو وزەی و هامسەنگیی هێز هەن. ڕەوشو وەرکەوتوو دلێڕاسەی پی جۆرەنە، ئانێ مەفاڕییانە مەتاوانە مەناوە. مشۆم ئینە بەعالی وینریۆنە. قەرارو فاڕییا تاریخییەکەو پەکەکەی، دەرئەنجامو یاواینەو سییاواو جەهانییا. هەم تورکیا و هەم وەرکەوتوو دلێڕاسەی و هەم جەهان، چی تۆفانە جیۆپۆلەتیکییە گەرەکشانە ڕێوە تازێ پەی وێشا دیاری بکەرا. چی خاڵێنە، دووێ ڕێما ئینێ وەڵێنە: یان قەیران و پشێویی بەردەوام بۆنە، یان ڕاو سەلامەتی و ئاشتی گێرمێنە وەر کە ڕا حەقەتینەکێنە. دۆخەکە تا ئی ئاستە هەستیار و چارەنووسسازا".
ئێمە ڕای سەلامەتییەما هورچنییە، نەوەک کارەسات
باقرخان ئەرەیاوناش هەنگامەکێ باخچەلی و بانگەوازەکەو ڕابەر ئاپۆی و هورسەنگناو ئەردۆغانی و قەرارەکا کۆنگرەو پەکەکەی، گرنگێ بێنێ، واتش: "ئی هەنگامێ گرێ‌لکە کۆرێ سەدساڵەیشا کەردێنێوە، ڕەوشەکەش جە جەنگیۆ فاڕا بەرەو ئاشتی. ئێمە ڕاوی سەلامەتەما هورچنییەن نەوەک ڕاو کارەساتی. وەرپرسیارێتییێ گۆرەن جە ئەستۆو گرڏیما، مشۆم بێ دما کەوتەی، ئاشتی بەدی بێنە".
ئێمە ئینایمێ هورچنیێوە تاریخینە
باقرخان ئەرەیاوناش درەنگ کەوتە و بەدیئاردە و ئی ئامانجەیە زەرەر ماددیی و گیانیش چنە گنۆوە، واتش: "ئینایمێ هورچنیێوە تاریخینە. یان پەیوەندییەکێ بەینو کوردی و تورکی سەر و بناغەو دیموکراتیکی مچمێراوە، یان دلێ سیناریۆو کارەساتباری وەرکەوتوو دلێڕاسەینە دلێنە مشمێ".
