ڕاوەبەروو دەزگاو هەواڵگێریی ئەمەریكای وەڵاش کەرڎەنۊ، وەزارەتوو گەنجینەو وڵاتەكەیما بە تۊمەتوو فاڕایۊ زەڕی پەی تیرۊرساو داعشی، جە دلێ عێراقی و سوریاینە سزای ئابوورییەش جە دژوو ژمارێوە دامودەزگای و كەسایەتییا بەرەكەرڎێنە، كە جە دلێ توركیاینە هەرمانە کەرا.
برایان نێڵسن، ڕاوەبەروو دەزگاو هەواڵگێریی ئەمەریكای جە ئەرەیاوناێنە وەڵاش کەرڎۊ، وەزارەتوو گەنجینەو وڵاتەكەیما سزای ئابوورییەش جە دژوو ژمارێوە دامودەزگای و كەسایەتییا بەرەكەرڎێنە، كە جە دلێ توركیاینە هەرمانە کەرا.
باسش چانەیچە کەرڎەن، سەبەبوو سزاداى ئا کەسایەتى و دامودەزگایاو تورکیایە پەی ئانەیە گێڵۊوە، کە زەڕشا پەی تیرۊرستاو داعشی جە عێراق و سوریانە فاڕانۊ.
برایان نێڵسن، ئاماژەىچش پانەیە کەرڎەن، سزاێكێما وێشا ویناوە جە دەسگێرتەی سەروو مڵك و ماڵوو كەسێرە بە نامێ "بوركان خاتوونی" و بلۊككەرڎەی سەروەت و سامانە داراییەكەیش جە سەرانسەروو جیهانینە.
ئانەیچش وستەن ڕووە، "بوركان خاتوونی" بڕوو نیم ملوێن دۊلاراش جە ڕاو كەسایەتیێوە تەریوە بە نامێ "یاسر عەلی محەمەد فەراجی" پەی گرووپوو تیرۊرستاو داعشی جە عێراق و هەرێموو كورڎستانینە جە ڕۊو ٢٩ ئازاروو ٢٠٢١ دەس وستەن، داعشیچ پلانەش بیێنە بەشێ چا زەڕی پەی کەرڎەی کرڎەوەى تیرۊریسی و بە ئامانجگێرتەی عێراقی بەكار بارۊ.
بە پاو ئەرەیاوناکەی ئا كۊمپانیێی، كە چۊوەتلیێنێ جە هامکاریکەرڎەی چەتەکاو داعشینە ئینێنێ، كۊمپانیاو "ڕافیڎەینی" پەی جەقتووەنیای وارڎەی جە شاروو مێرسینی جە توركیا، كە جە لاو "محەمەد عەبدول حەمید سالم"یەوە ملۊ ڕاوە، كۊمپانیاو "شامس ئێكسپرێس" كە كەسێوە بەرۊش ڕاوە بە نامێ "لوای جاسم جبوری"، كە وەڵتەر سەلەمیان، كە سەر بە ڕێکوزیاو تیرۊرسیی قاعیدەی بییەن، وەڵێ ئانەینە بلۊ دلێ داعشی.
یاگێ ئاماژەینە، دەوڵەتوو داگیركەروو توركی بە پەشتیوانێوە گەورەی ماددی و مەعنەوی گروپوو چەتەكاو داعشی عێراق و سوریانە نریۊرە، پەی بەرژەوەنڎیی وێش چا وڵاتانە کە تیرۊرساو داعشی بەكار مارۊ، چا چوارچوەنە سوریانە چنڎین گرووپێ تیرۊرسیێ ڕاستەوخۊ هامكاری جە دەوڵەتوو تورکیوە وەر گێرا.
