دەسەو ڕاوەبەرایەتی ناوەندو دەم پارتی پەیوەس بە دەس سەرەرەگێرەتەی شارەوانی سێرتی و سەپناو قەیومی سەرشەرە ئەرەیاونێوەش وەڵا کەردۆ و ئاماژەش پانەیە کەرد دەسەڵاتو ئاکەپەی بە دەس سەرەگێرتەی شارەوانی سێرتی جارێوە تەر جەختش کەردۆ جە دژبەربییەیش  وەراوەر بە ئیرادەو گەلی.

جە ئەرەیاوناکەینە سەرنج وسیا سەرو سزاداو هامسەرۆکایەتی شارەوانی سێرتی سۆفیا یالاگەشێ و ماچۆنە، پێسەو کودەتاکاو وەڵینی ئینچارەیش شارەوانی سێرتی تەوقەدریا و ڕاگیری جە گەلی و هورچنیای کریا بلانە دلێ شارەوانییەکا وێشا.

جە بەردەوامی ئەرەیاوناکەینە ئاماژە کریان پانەی ئیتر دەسەڵاتداری سەپناو قەیومیش کەردەن بە تایبەتمەندی وێش و تەنها جە سنوورو کوردەسانینە نەمەنەنۆ.

هەر جە ئەرەیاوناکەینە دەسنیشان کریان دەسەڵاتداری هەوڵمرۆنە سەپناو قەیومی کەرۆنە بە هەمیشەیی و مافو دەنگدای گلێرگەو تورکیای پاشێل مکەرۆنە و ئامان: "ئی ڕژێمە بە کودەتاو قەیومی ئنەی تەر جە دۆڕیاو وێش نزیک بۆوە. ئی بابەتە هیچ پەیوەندیێش بە مافی، یاسا و دادگاکاوە نیا. بابەتەکە ئانەن جە کاتێنە نمەتاو شارەوانییەکا جە ڕاو هورچنییەی بەدەس بارۆنە، جە ئەنجامەنە قەیومی سەپنۆنە. با دەسەڵاتداری نەواچۆنە ئێمە و گەلوو کوردی بە کودەتاو قەیومی ڕامەیمێ. جە گرڏ یاگێنە وەرگری جە ئیرادەو گەلەکەیما مکەرمێ جە دژو سەپناو قەیومی."

جە دماو ئەرەیاوناکەینە دەم پارتی داواش جە گرڏ کەسێ کەردەن گۆش نەرا پانەی چێش ڕووەمرۆنە بە گرڏو هێزیشاوە جە دژو سەپناو قەیومی ئەوەکۆشیا دیموکراتیکو وێشا بەردەوام مکەرانە.