جە تشرینەنە مڏرامانو گەلی بەردەواما
جە وەراوەرو هرووژمەکا دۆڵەتو ئەرەگیرو تورکی، مڏرامانو گەلی و چالاکی ئێشکگیری ٢٢ ڕوێن بەپاگیرۆ بەردەواما.
بەنداوی تشرینی جە ٨ و کانوونو یوەمو ٢٠٢٤ ـەوە چێرو هرووژمو دۆڵەتو ئەرەگیرو تورکی و چەتەکاشەنە.
ئەرەنیشتاو سەرنیشتوو و وەرکەوتوو سوریای بە گرڏو پێکئامایەکاشا، پەی پارێزناو بەنداوو تشرینی جە هرووژمەکا دۆڵەتو ئەرەگیرو تورکی و چەتەکاش، جە ڕۆو ٢٢ هەمینینە، درێژە بە چالاکی ئێشکگیری مرانە.
هیزی ئەرەنیشتاو کانتۆنو جەزیرەی پەی ئانەی ج یاگێ ئەرەنیشتاو شارو کۆبانێ ئێشکگرییەکەی هورگێرانە، ڕووەشاکەردە بەنداوەکە.
چالاکێ جە بەنداوەکەنە واتشا: "ئێمە بەنداوەکەی پارێزنمێنە. ئێمە جە هرووژمەکا ئەرەگیرو تورکی و چەتەکاشو فڕۆکەکاش مەشناسمێ. تا مدرناو هرووژمەکا درێژە بە چالاکییەکاما مرەیمێ. ئێمە پەشتگیری هێزە سەروازییەکاما مکەرمێ و دەسبەردارو بەنداوەکەی مەبیمێ".
