ئەرەنیشینا و گرێ‌سپی ناچارێ کریانە بە لیرەی تورکی نان سانانە
دۆڵەتو ئەرەگیرو تورکی ئەرەنیشتا گرێ‌سپی ناچارمکەرا بە لیرەی تورکی نان سانا.
سەرچەمە دلێینەییەکا جە شارو گرێ‌سپی ئەرەیاوناش، "ئەنجوومەنو دلێینەو گرێ‌سپی" سەر بە دۆڵەتو تورکی، ئارۆ قەرارو ساناو نانی بە لیرەی تورکی وەڵاکەردەنۆ.
هەڕەشە جە ئەرەنیشتا کریۆنە ئەر نان بە لیرەی تورکی نەسانا، بە ٥ هەزار لیرەی تورکی سزا دریانە و دادگایی کریانە.
جەکاتو ئەرەگیر کەردەو شاریوگرێ‌سپی جە دماییەکا ساڵەو ٢٠١٩، دۆڵەتی ئەرەگیرو تورکی و چەتەکاش هەوڵمرانە زوانی تورکی و زەڕی تورکی جە هەرێمەکەنە سەپنانە، بەڵام ئەرەنیشتا هەرێمەکەی گەرەکشا نی بە زەڕو دۆڵەتو تورکی سانا و ورەتەی کەرانە.
