خەڵکو کانتۆنو فوراتی پەی شەرمەزارکەردەی ئا کۆمکوژییەی کە دۊڵەتو تورکی دژو خەڵکی مەدەنی ئەنجامش مڎۆ، ڕاپیمایشا کەرد.  ڕاپیماکەی جە مېڎانو ژەنۍ ئازادێوە تا مېڎانو گەشمەرڎە عەگیدی بەردەوام بی.

واتەواچەو دەسوەڵێوستەی ئازادی ڕابەر عەبدوڵا ئۆجالانی جە کانتۆنو فوراتی، عەیشە ئەفەندیە سەرەوەشیش جە بنەیانەو گەشمەرڎا کەرڎ و ئەرەیاۋناش دژو هرووژم و کۆمکوژییەکا مڎرامان و ئەوەکۊشای مکەرا.

هەرپاسە سەرنجش وست سەرو مڎرامانو گەلوو کۆبانێ دژو داعشی و ئەرەیاۋناش گەلوو کۆبانێ داعششا مردنا و ئی گەلە شیاوو ئازادی و ئاشتییا، ئاماژەش بە کۆمکوژییەکەو هێزی کەرڎ و، واتش: "ئی هەرمانە وەحشیانا دۊڵەتو تورکی شەرمەزار مکەرمۍ. مشۊم ئیتر گرڎ ئەرەپڕا و بە تورکی ئەرەگیری واچا ئیتر وەسێن".

عەیشە ئەفەندیە جە دما دماینە واتش: "ئێمە بە کۆمکوژی دلېنەنمەشمۍ و تا دما نەفەس مڎرامان مکەرمۍ".

ڕاپیماکەی بە هوتافەو "گەشمەرڎۍ نمەمرا" دمایش ئاما.