مېیانو ئەرەیاۋنای و چاپەمەنی هێزەکاو پارېزنای گەلی- هەپەگە دەربارەو بەردەوامی هرووژمە ئەرەگیریەکا سوپاو تورکی ئەرەگیری ئەرەیاۋنێوەش وەڵا کەرڎۆ.

ئەرەیاۋناکەو هەپەگەی پی جۊرەنە:

"هرووژمەکۍ سوپاو تورکی ئەرەگیری؛

١٦و ئاداری جە هەرێمو خواکوڕکینە سوپاو تورکی ئەرەگیری جە مېڎانوو مڎرامانو کەشو مەسەکەنێ-نە ئۆپەراسیۆنش دەسپنەکەرڎ.

هرووژمەکۍ سوپاو تورکی بە فڕۆکەی جەنگی؛

١٦ و ١٧و ئاداری مېڎانەکۍ مڎرامانوو بەرێ‌ زینێ، سنین، کەندەکۆلا، لۆلان ٧ جار، جە هەرێمو گارەینە مېڎانو زەنگلێ ٣ جارۍ، جە هەرێمو مەتیناینە مېڎانوو مڎرامانو سەری مەتینای ٥ جارۍ، هەرێمو گەشمەرڎە دەلیلی جە ۋەرنیشتوو زاپی مېڎانەکۍ مڎرامانوو کەشو ئامێدی، کەشو وەهاری ٣ جارۍ؛ بە گرڎیی ١٨ جارۍ بە فڕۆکەی جەنگی بۊمبواران کریێنۍ.

هرووژمەکۍ سوپاو تورکی بە چەکی قورس، تۆپۍ و هاوەنۍ؛

١٥ و ١٦و ئاداری جە هەرێمو خواکوڕکینە مېڎانەکۍ مڎرامانوو بەرێ زینێ، گەشمەرڎە شەریف، لۆلان، سنین ٢٣٠ جارۍ، هەرێمو گارەینە مېڎانەکۍ کەشو ڕەشیدی، کانی سارکێ، زێڤکێ، کەشو زەنگلی ٢٩ جارۍ، هەرێمو مەتیناینە مېڎانەکۍ مڎرامانو سەری مەتینای، شێلازێ، بێشیلی ٨٣ جارۍ، هەرێمو گەشمەرڎە دەلیلی جە ۋەرنیشتوو زاپی مېڎانەکۍ مڎرامانوو کەشو ئامێدی، کەشو وەهاری ١٦١ جارۍ؛ بە گرڎیی ٥٠٣ جارۍ بە چەکی قورس، تۆپۍ و هاوەنۍ بۊمبوارانۍ کریێنۍ."