دەوڵەتوو ئێرانی دوو وێنیشاندەرۍ تەرێش جە دار دۍ
هێزەکاو دەوڵەتوو ئێرانی ٢ هاموڵاتێ تەرێشا جە دار دۍ، کە بەشڎارییشا جە وێنیشاندایەکانە کەرڎەبۍ.
هێزەکاو کۊماروو ئیسلامیی ئێرانی، ئارۊ سەرسەعب " مەهدی کەرەمی"ی و "سەید محەمەد حسێنی"شا جە دار دۍ ، بە بەهانۍ بەشڎاریکەرڎەیشا چا وێنیشاندایا، کە دماو کوشیای "ژینا ئەمینی"یێوە ئێراننەو و وەرکەوتوو کورڎستانینە دەسشا پەنە کەرڎەبۍ.
دماو دەسپەنەکەرڎەی ئا وێنێشاندایاوە، جە ١٦ ئەیلوولوو ساڵۍ ویەرڎێوە تا ئێسە ٤ وێنیشاندەرۍ جە دار دریێنۍ.
وەڵتەرێچ حەر یۊ جە "موحسین شکاری" و "مەجید رەزا رەهنەوەرد" جە دار درییێبێنۍ.
سەرورڎای جە وەرکەوتوو کورڎستانوو ئێرانینە وەردەواما، جی سەرورڎاینە نزیکەو ٥٠٠ کەسا کوشیێنۍ و نزیکەو ٢٠ هەزار کەسێچ گیریێنۍ.
