دوۋۍ دەسگېرانۍ جە تاران بە تۊمەتەو سەماکەرڎەی سزاو ١٠ ساڵا گێرتەېشا سەرەرە سەپېا
داڎگاو ئێران-ی بە بەھانۍ ئانەی ۋەرو دەمو برج و ئازاڎیینە جە تاران سەماشا کەرڎەن ، سزاو ١٠ ساڵا گێرتەېش سەرو دوۋۍ دەسگېرانارە سەپنا .
ڤېدیۊو سەما کەرڎەو " ئاستیاژ حەقېقی و ئەمېر محەمەڎ ئەحمەڎیی " دەسگېرانېش جە ۋەرڎەمو بورج و ئازاڎیی جە تاران ۋەڵاو کرېاۋە ، دماو ۋەڵا بېەېۊ ڤېدېۊکەی جە مانگەو تشرېنو دوۋەمو ٢٠٢٢ ێنە گېرېۍ .
ئاستېاش حەقېقی جە ۋەران ۋەرو بنەما ۋشکەکاو ئێرانېنە مڎرێبێۋەو سەرپۊشش نەکەرڎەبۍ سەرەش .
ئاژانسەو ھەۋاڵی تاېبەت بە مافەکاو مرۊڤی (ھرانا) ، کە بارەگاگەش ئېنا ئەمرېکا ۋەڵاش کەرڎەنۊ ، جە لق و ١٥ و داڎگاو شۊڕشی بە سەرۊکاېەتی ئەبولقاسم سەلەواتی جە تاران ، سزاو ١٠ ساڵۍ و ٦ مانگا گێرتەېش سەرو ھەرېۊ چا دوۋە دەسگېرانەیرە سەپنا ، ھەرپاسە پۍ ماۋەو ٢ۍ ساڵا بەکار ئارڎەو ئېنتەرنێتی و گەشت و گێڵېشا پۍ بەرو ئێرانی چنە قەڎەغە کریان .
ئا دوۋە دەسگېرانۍ تەنېا ۋەرو سەمێۋە بەتۊمەتەو " فەسادی و ھانداو خەڵکی پۍ لەش ۋرەشی و شێۋناو ئەمنېەت و نەتەۋەیی " تاوانبارۍ کرېێنۍ .
ئاماژەېچ پانەی کرېان ، بێستا ئاستېاژ حەقېقی جە گێرتەخانەو ژەنا قەرچەکی جە بەرو شارو تارانی گېرېێنە و ئەمېر محەمەڎ ئەحمەدی دەسگېرانېچش جە گێرتەخانەو فەشافوېەنە گېریان ، ئا دوۋە گێرتە خانۍ بە تاېبەت گێرتەخانەو قەرچەکی ېۊن جە گێرتەخانە ترسناکەکاو ئێرانی ، سەرو ئاژەو خراپ و گێرتەخانەو قەرچەکی چنڎېن گوزارشتۍ جە لاېەن و چالاکاۋە ۋەڵاوۍ کرېێنۍ .
ھ.ئ
