شۊرشگێڵە بەرچەم تورجەل ئەشناسیا بە (ھابریزە ئۊزدوراک)ی و کېندا زین ئەشناسېا بە (فاتمە ئۊنورۍ) کە جە ساڵەو ١٩٩٣ بەدماۋە ئەرەکۊشای ئازاڎیشا ڕاۋەبەر کەرڎەن ،جە ٢٨ تشرینو یۋەمو ٢٠٢٢ جە ھەرێمەکاو پارێزناو مەدیاینە جە ئاکامو ھجومەکاو دۊڵەت و ترکیەی گەشمەرڎۍ بېۍ .

حەر چرکێۋی چا ٣٠ ساڵەیە پەڕ پەڕا جە ژیۋای ، ۋەرو ئانەی صەۋای دێر نەبۊ ، ئاواتەکێشا پۍ دماتەری ھۊرنەگێرتۍ ، چا ٣٠ ساڵەنە شاھېڎەو گرڎ دژۋاری و جۋانېەکابۍ ،

بە ژیانکەرڎەو ۋەڵېنگەو ئازاڎی ژەنۍ ، بەھاش بە بەھاکا زیاڎ کەرڎ . جە بنەڕەتنە دلۍ ۋێشەنە ئاخێزو ژەنێش خولەقنا ، دماتەر ئانەی دلۍ گلێرگەینە دەسش بە بونېاڎنېای کەرڎ ، ھەنگام بە ھەنگام بە ئارام گێرتەی بونېاڎش نېا .

گەشمەرڎە بەرچەم تورجەل و کېندا زین ئەرەکۊشاو ٣٠ ساڵەو بۍ مڎرای ئاۋات و پەیجوریەکاشا پەیۋەنڎی ھامڕای و ھەستەکۍ ۋێشا دماو جە ئەرەبڕیای جە ھامڕاکاو ۋێشا پۍ کامێراکا گێڵناۋە .

ھ.ئ