ئەندامەو کۆمیتەو مییانو پەکەکەی، دڵزار دیلۆکە، بەکارئاردەو زوانو نکۆڵی کەردەی و ڕەخنەش چەنە گێرد و ئەرەیاوناش، پەنەوازا بەشێوێ یۆبییەی سیاسەت بلۆ ڕاوە. دیلۆکە ئاماژەش پانەیە کەرد، مشۆم دەسەڵات و ئەرەیاونێکێ دەسبەردارو زوانی ژەهراوی بانە.
ئەندامەو کۆمیتەو مییانو پەکەکەی، دڵزار دیلۆکە، سەبارەت بە ڕۆژەڤەکێ چەنی ئاژانسو هەواڵو فوراتی قسێش کەردێ و ئەرەیاوناش، هەڵمەتەو ئازادی ڕابەر ئاپۆی ساڵێوەش ویەرنا و قۆناغێ گرنگێش بڕیێ و ئینەش به گرڏو جەهانی نیشانەدا. دلزار دیلۆکە سەبارەت بە ئیخبارەکا دماو گلێرۆبییەکەی چنی ڕابەر ئاپۆی ئەرەیاوناش، "بێگومان وشەو 'پرۆسە'ی وشێوە سیحراویە نییەنە بەڵام هرووژمەکێ هەر نەمدرێنێ، دۆڵەتو تورکی گەرەکش بێ چنی پرۆسەکەی بڕێ تابۆیێ ماڕۆنە و بەرەو وەڵێ بلۆنە". هەوڵەکێ دەسپنە کەردەو پرۆسەکەی بەردەوامێنێ، جگە جە هەوڵەکاشا پەی دروسکەردەو ڕۆژەڤێوە بەپاو ئی ئامانجەی، کۆمکوژییەکێ جە سەرنیشتوو پانیشتوو وەرنیشتوو کوردەسانی بەردەوامێ بیێ و هرووژمەکێ پەی سەرو ناوچە مەدەنییەکا بەردەوامێ بێنێ، هەوڵشا دان گەلی بێ ئاو، بێ کارەبا و خزمەتگوزاری کەرانە.
بە واتەو، 'با ڕابەرەایەتی جە مەجلیسو گۆرەو تورکیای (TBMM) قسێ کەرۆنە و سەرو ئی بنەمێ یاساو مافاکێ هیوای جابەجێ کریانە'، سەرنجڕاکێش بێ ئی قسێ جە زوانو نەتەوەپەرەستترین لایەنو تورکیای و جە TBMM ئەرەیاویا. ئەڵبەت هەڵای دیار نەبێ کە دماو پڕۆسەو شکستی و ئا هرووژمێ ئەنجام دریێ، هەڵوێسێوە جیاواز دەس پنە کەرۆ یان نا. بەمەڵامەتو دوژمنایەتی و بێ جدیەتی ساڵانی وەڵینی، ئارۆ ئەشیێ فرە بەجدیەتۆ نزیکو پرۆسەکەی بیێنمێ. گۆرەترین تابۆ جە تورکیانە پرسو پارچە بییەین. تەرسی جە پارچە بییەی، سیاسەت و سیستەم و ئەرەمەرزیە دلینەکا و چبەری دیاری مکەرۆنە. تابۆو دووەمی پەکەکە و ڕابەر ئاپۆن، تەرسۆنە تابۆو یوەمی جابەجێ کەرانە. پۆکەی بە دەس پنەکەردەو ڕۆژەڤی سەرو ڕابەر ئاپۆی، چاپەمەنی فاشیستی قڕکەر و دماکەوتەو و نزیک جە دەسەڵاتی - تا ئاستێوە کەم گۆشەگیرییش سەرو ڕابەرایەتی کەم کەردەنۆ. ساڵێ چێوەڵتەر ڕۆنامەنویسێ کە باسو هەمان بابەتیش کەردەبێ باڵبەس کریا، ئارۆ هەمان بابەت جە گرڏو دامودەزگاکا ئەرەیاونای باسش سەر کریۆنە. هامکات چنی پێناسەکەردەو بابەتەکا، مەبۆ ئانەیە جە ویر کەرمێنە کە عەقڵیەتو ئاریشا کورد، ژەنی، چێردەسێ، کرێکارێ و کەسێ ئایینیێ جیاواز بە دوژمن تەماشا مکەرا.
نامێش چنە بنیەیمێ یان نا، هەر پرۆسێوە کە ڕابەرایەتی دلێشەنە دەوری بنەڕەتیش بۆنە، پرۆسێوە دیموکراتیکا، ژیوایێن کە سەرو بنەماو دیموکراسی پێوەرە ژیواو گەلا بنیات نریان. ئینە یۆن جە پڕۆسە بەهێزەکا ئەوەکۆشای. پۆکەی مشۆم مرۆڤ بە هەستیاری و هۆشیاریۆ و بە ئازای سەرو بنەماو ئەزموونە تاریخییەکا هەنگامێش پەی هۆرگێرۆنە و بی شێوە مانا بە پرۆسەکێ ئازادیی ڕابەرایەتیما و گەلەکەیما دۆنە."
ئیدامەش هەن
