دماو کۆڕبەندو "شۆڕشو ژەنا ۋەرنیشتی پارێزنمۍ" کە جە ڕێکوستەی دەم پارتینە ئەنجامدریا. بە سەرمەشقایەتی ژەنا ڕاپیمایۍ ئەنجامدریا، واتەواچەو ئەنجوومەنو ژەنا دەم پارتی خالیدە تورکئۆغلوە و پەرلەمانتاراو دەم پارتی و ژمارێوە جە ئەنداما پارت و ڕێکوزیاکا بەشدارۍ بێنۍ.

ڕاپیماکەی ۋەردەمو ڕێکوستەو دەم پارتی پیرسوسینە دەسش پنە کەرد، سەرەڕاو هەوڵەکا ڕاگیری پۆلیسی، ژەنا بە بەرزکەردەیۆ درووشمۍ تا مېڎانوو ئێشكگیری ڕاپیمایشا کەرد.

"دۊڵەتو تورکی پەنا پەی ڕێبازی نامرۆڤانەی مبەرۆ"

واتەواچەو ئەنجوومەنو ژەنا دەم پارتی خالیدە تورکئۆغلووە ئەرەیاۋناش جە ۋەرنیشتەنە ژیۋایۍ یەکسان و ئازاد بنیاڎ منریۆ، پۊکەی گرڎو جەهانی چەمشا ئینا سەرو کۆبانێوە.

تورکئۆغلووە سەرنجش وست سەرو هرووژمو چەتەکا و واتش: "هرووژمەکۍ نامرۆڤانێنۍ. ئیدارەو ۋێڕاوەبەری ۋەرنیشتی سیمبولو ئاشتی و ژیۋای ئازادین. تا دما نەفەس پارێزگاریش ۋنە مکەرمۍ. ۋەرو ئانەی شمە ئی مۆدێلەیە قبووڵ نمەکەردۍ، پۊکەی پشێویی و قەیران ڕووە مڎا. شۆڕشو ۋەرنیشتی جە سەرانسەرو جەهانینە وەڵاو بیەنۆ. ئیتر نمەتاوا حیسابش پەی نەکەرا. ئێمە دژو هرووژمەکا نکۆڵی و قڕکەردەی مڎرامان مکەرمۍ".