پېشنېیارېۋە پەی ۋەرو چەما دەسەڵاتدارا هۆرامانی (بەتایبەتی تەۋېڵۍ)

پاسـە گرڎیمـا مزانمــۍ، گېیانبەخشای هـاوڕێ ( فەهمـی محەمەڎ "فەهمـی دارا بەگ" ) ، هاوڕێ ( ئازاد عارف حەمەحسێن) ، هاوڕێ ( بەرزان محەمەڎ سان "بەرزان ڕەئیس" ) پەی پـاکۆکەرڎەی دەگـاو تەۋېڵۍ و دۆروبەریش چـە مین (ئەڵغاما) سـەرڎەمو جەنگـی هەشت ساڵەو دۆڵەتاو (ئێران - ئێراق)ی بېیەن و ئاڎۍ گېیانو وېشـا پەی ئاسـۇڎە ژیۋای و ســێرانکەرڎەی ئېمــە چــە (ســێرانگاو ئاۋیســەر)ی و یاگەکــا تەرینە، بەخشان.
ۋەراۋەرو فېڎاکاریی ئاڎېشا، ئەرکو سـەرو شـانەو ئېمە گرڎیمـا ھەن، پېسـەو هامنشـینا ئا یەرە ئازیزە گېیانبەخشا و پېسەو وەفاڎاری ھامڕایا ئاڎېشـا؛ کەسانیېـۋ کە ڕۋە سەختەکا پېشمەرگایەتینە پېۋەرە ۋەرەنگاری سەرکوتگەریی و ستمەکاریی فەرمانداریی بەعسییەکا بېیېنمېۋە، چە ئیسەنە وەفاڎاریی وېما سەلەمنۍ و  پەنەوازکەرۊ پەی ئی گېیانبەخشا چە مېڎانو تەۋېڵۍ یان یاگۊ گېیانبەخشایشانە پەیکەر تاشیۊ و ئاڎېشا کەرمۍ بە سێمبوڵو مرۊڤدۊسیی و گېیانبەخشیی خەڵکو ناوچەو هۆرامانی.
چا بارۆ من هومېڎدار ھەنا، گرڎ کەسېـۋ چە یاگۊ وېشۆ و بە ڕادەو تەۋانو وېش پەی بەدیئاۋرڎەی ئی داۋێ کۊشش کەرۊ و هونەرمەڼە شېۋەکارەکۍ ھۆرامانی و تەۋېڵۍ ئەرکـو پەیکەرتاشای ئا ئازیزا ئەستۊ وېشا گېرا.

ئاکۊ مارانی
گرۇپۊ (یانەو تەۋېڵۍ)