دیڎاروو سەرەتایی ١٢ەمین فیستیڤاڵوو عەلەوییەکا بەریتانیای کە جە ١٥-١٦و حوزەیرانینە جە لەندەنەنە ملۆڕاوە، ئەنجامدریا و  چی دیڎارەنە باسوو شێوازوو لووای ڕاوەو هەرمانەکا فیستیڤاڵەکەی کریا.

**

دیڎارەکەنە چنڎین ئەرەمەرزیۍ، پەرلەمانتارۍ پارتوو کرێکارا، ئەکادیمیۍ و نویسەرۍ ئاماڎۍ بێنۍ.

هەر جە دیڎارەکەنە هامسەرۆکەو BAF دیلەک ئینجەدالە قسێش کەردۍ و ئاماژەش پانەی کەرد هیچ وەختۍ تەسلیمۍ زوڵمی و سیاسەتوو تاونایۆ و نکۆڵیکەردەی جە دژوو عەلەوییەکا مەبیمۍ.

**

سەرۆکوو جەمخانە و ناوەندی چاندو عەلەوییەکا ئینگلتەرای ئیبراهیم خاس ئانەش دەسنیشانکەرد کە فیستیڤاڵەکە پەیامێوەن دژوو جەنگی، قەیرانۍ و نایەکسانی ئەنجام مڎریۆ.

دماتەر جە دیڎاروو فیستیڤاڵەکەینە بەرنامەو فیستیڤاڵەکەی ئاشکرا کریا. جە بەرنامەکانەکۆنسێرت و پانێڵۍ سازۍ مکریا، حەرپاسە شانۆو زاوڵا و سیمینارێچ ئەنجام مڎریا.