گلێرگەوئیسلامیی کورڎسانی : گلێرکوشیی پاریس-ی درێژکرېاوەو پاککەرڎدەېۊ کورڎان.
گلێرگەوئیسلامیی کورڎسانی جە بارەو گلێرکوشییەکەو پاریس-یۋە جە ئەرەیاونایێنە ئانەش وست ڕووە، کە مشۊم گەلوو کوردی وەرپرسیاریی ۋێش بە ېاگۍ بارۆ و شکس بە دوژمنی دڕنڎەی بارۊ .
گلێرگەوئیسلامیی کورڎسانی جە بارەو ھجوومەکەو پاریسیۋە، ئەرەېاۋناش کە گلێرکوشییەکەو پاریسی درێژکرېاوەو پاککەردەېۊ کورڎان .
دلێنەو ئەرەیاوناکەو گلێرگەو ئیسلامیی کورڎسانی پی جۊرە زانیارییش دان:
گەلە ۋێڕاگیر و قارەمانەکەما! ئانە سەڎان ساڵێن دوژمنوو تاتەوبابایاما وەروو چەماو دنیێوە گلێرکوشما مکەرا، مزانمۍ و هاگاېیما ھەن کە دۊڵەتوو ترکیەی دڕنڎەی، گەرەکشا ئەمرە سەروو گەلوو کوردېرە کەرۊ و وەرو ئانەی جە ۋەرنیشت، وەرکەوت، سەرنیشت و پانیشتوو وڵاتەکەیمانە گرڎ جۊرە قڕکەرڎەیێ و ئیبادەکەردەیێ سەروو گەلەکەیمارە بە بارۆ .
ھجوومەکێش بە چەکی کیمیاوی و گلێرکوشیی زارۊڵا و ژەنا و زینڎانیکەرڎەی کەسە سیاسییەکاما و ئەشکەنجەدایشا بە شێۋەۍ سەرەمڕ،
بە ئاشکرا بە ئێمەی کوردی ماچان، ھەر ېاگێۋەنە بیدۍ و بلدۍ ھەر ئێمە کوشمێتا . گلێرکوشییەکەو پاریس-ی درێژکرېاوەو پاککەرڎەېۊ کورڎان . کە( 10) ساڵۍ چێۋەڵتەر جە پایتەختوو فەڕەنسایەنە، ېەرۍ ژەنۍ شۊڕشگێڵنێ کوردۍ تیرۊرۍ کریۍ ، وەلۍ ئۊرووپا بێدەنگ بۍ، ئیسە جارێۋی تەر گلێرکوشیی دژوارتەر ئەنجام دریاوە.
پیسە گەلوو کوردی فەرزا سەرماوە، کە ئەرەکۊشای کەرمۍ و وێما پارێزنمۍ . بە گرڎوو ھێزیماۋە جە وەرانوەروو ئا پاکتاوکەردەینە وێڕاگرێ بیمێ و درێژە بە چەنەکۊشاکەیما بڎەیمۍ.
ئەشۆ ئێمە گرڎما پەی ئازاڎیی وڵاتی و گەلەکەیما ھورزمۍ سەروو پاېاو، تێکۊشای پەرە پنە دەیمۍ . وەخت ۋەختوو ئەرەکۊشای و ېۊگێرتەین ، ئێمە دژوو سیاسەتوو قڕکەرڎەی سەرگنمێ. دوژمن و گەلەکەیما ڕووسیاو بۍ ئەرزش بیەن . گەر گرڎما پێۋەرە کۊشیەیمۍ دلۍ شیەیشا نزیکا .
مشۆ گرڎما بە ئەرکوو وێما ھوربێزمۍ، نەېاراما دلێنە بەرمۍ . بژیوۆ ئەرەکۊشای گەلەکەیما .
ھ.ئ
