هەپەگە بە حورمەتۆ یاڎو ٣ گەریلایا گەشمەرڎەیش بەڕزڕاگێرت
هەپەگە یاڎو ٣ گەریلایا گەشمەرڎەیش کەردۆ کە جە هەرێمەکاو پارێزنای مەدیاینە گەشمەرڎۍ بیۍ و واتش: "هەمراکێما جە هەر مېڎانێوەنە بیێبا فاڕانشا پەی قەڵاو مڎرامانی و ڕاشا بە ئەرەگیرا نەڎان."
ئەرەیاۋنای سەبارەت بە گەشمەرڎا
ئەرەیاۋناکەو مېیانو ئەرەیاۋنای و چاپەمەنی هێزەکاو پارێزنای گەلی-هەپەگەی پی جۆرەنە:
"١٢و ئەیلولو ٢٠٢٠ جە هەرێمەکاو پارێزنای مەدیاینە جە ئەنجامو هرووژمێوە دژمنینە هەمڕۍ قارەمانۍ و میلیتانۍ ئاپۆیما جانشێر، دەمهات و شەڕگەر گەشمەرڎۍ بیۍ. بە ڕێز و پنەزانایۆ یاڎو هەمڕا گەشمەرڎەکاما مکەرمێوە.
هەمڕێما جانشێر، دەمهات و شەڕگەر جە دژو دۆڵەتو تورکی ئەرەگیری کە هرووژم مکەرۆ سەرو بیەو گەلەکەیما و سەرو ئا بنەمایۍ گرڎ جۆرە هرووژم، فشار و ئەشکەنجێوە بە ڕەوا موینۆ، بە ئامانجو مسۆگەرکەردەی ئازادی گەلەکەیما بەشدارۍ دلۍ ڕێزەکاو گەریلای بیۍ. جە ژیۋای ئەرەکۆشایشانە هەوڵشا دا ئی ئەرکە تاریخیەو ۋێشا جابەجێ بکەرا. هەمڕێما جانشێر، دەمهات و شەڕگەر کە ڕۆڵۍ قارەمانۍ گەلەکەیما بێنۍ، بە گرڎ جۆرۍ ژیۋای ۋێشا فیداو ئەرەکۆشای ئازادیما کەرد و پی هەڵوێسۆ بیۍ بە نموونە پەی جوانا کوردەسانی. هامکات هەمڕاکێما جە پراکتیکەنە نیشانەشا دا کە ڕێبازی هەرە کاریگەر جە دژو هرووژمەکا دۆڵەتو تورکی قڕکەری، ئەرەکۆشای گەریلایەتین جە کەشەکا کوردەسانینە، وە پەی جوانا کوردەسانی بیۍ بە بانگەوازو مڎرامانی. هەمڕێما جانشێر، دەمهات و شەڕگەر جە گرڎ یووەسە خاکێوە هەرێمەکاو پارێزنای مەدیاینە جە ئەرەکۆشاینە بێنۍ و گرڎ مێڎانێشا فاڕا پەی قەڵاو مڎرامانی و ڕاشا نەڎا بە ئەرەگیرا. بە هەمڕایی و بەشداری قەوەتیشاوە پېسە میلیتانی ئاپۆی نمونەیی، نامۍ ۋێشا جە تاریخو ئەرەکۆشای ئازادیمانە نویستۆ. پېسە ڕاو هەمڕایاما جانشێر، دەمهاتی و شەڕگەری قەولما واوەی مکەرمێوە کە بە دڵنییایوە مەرامەکەیشا مېیاونمۍ بە سەرکۆتەی.
سەرو ئی بنەمایە یاڎو هەمڕایاما زیڼە ڕاگێرمۍ، سەرساغی ۋێما پەی بنەیانەو هەمڕایاما جانشێر، دەمهاتی و شەڕگەری و تەمامو گەلوو کوردەسانی وڵاتپارێزیما موازمۍ قەولما واوەی مکەرمێوە کە جەکوردەسانی ئازادەنە یاڎشا زیڼە ڕاگێرمۍ.
زانیارییەکۍ سەرو ئشناسنامەو هەمڕا گەشمەرڎەکاما پی جۆرەنە:
ناسنامۍ / جانشێر ئارنۆس
نامۍ و دما نامۍ / سەدات ئاتیلگان
شۆنەماو جە ئەڎابیەی / وان
نامۍ ئەڎۍ و نامۍ تاتەی / نورییە-شەمسەدین
شۆنەماو کاتو گەشمەرڎەبیەی / ١٢و ئەیلولو ٢٠٢٠ / هەرێمەکاو پارێزنای مەدییا.
*****
ناسنامۍ / دەمهات لجێ
نامۍ و دما نامۍ / میران شاهینلی
شۆنەماو جە ئەڎابیەی / ئامەد
نامۍ ئەڎۍ و نامۍ تاتەی / مەهتاب-عەبدی
شۆنەماو کاتو گەشمەرڎەبیەی /١٢و ئەیلولو ٢٠٢٠ / هەرێمەکاو پارێزنای مەدییا.
*****
ناسنامۍ / شەڕگەر ئامەد
نامۍ و دما نامۍ / حەسەن ئۆز
شۆنەماو جە ئەڎابیەی / ئامەد
نامۍ ئەڎۍ و نامۍ تاتەی / سوڵتان-زەکی
شۆنەماو کاتو گەشمەرڎەبیەی /١٢و ئەیلولو ٢٠٢٠ / هەرێمەکاو پارێزنای مەدییا.
*****
