گەل کە ۋەردەمو شارەوانی ئێلحینە دژو کودەتای کوۍ بیێوە جە لایەنو پۆلیسیوە بە گازو بیبەری و ئاوی هرووژم کریا سەرشا. ئا جوانۍ دەسشا بە مڎرامانی کەردەبۍ بە تەوەنی و گوللۍ هەواییۍ جوابو هرووژمەکا پۆلیسیشا داوە. گەل کە بە سەماکەردەی دژو قەیومەکا مڎرامان مکەرا، دروشمەو، "بە مڎرامان سەرۍ گنمۍ"شا بەرز کەردۆ. کاتێ مڎرامانوو گەلی بەردەوام بی، پۆلیس پەی جاری دووەمی بە گازی هەڵسمچ هرووژمش کەردۆ سەرو گەلی. دیسان گەل بە واتەیۆ دروشمەکا جوابو هرووژمو پۆلیسیشا داوە.

جە هەمان کاتەنە، گەل چانیشا یاگەگیرو سەرۆکو دەم پارتی محەممەد ڕوشتو و سەرۆک شارەوانیەو ئێلحی گوڵستان سۆنوکە و یەشیک ئیشیکە کە یاگێشەنە قەیوم نریانەرە ، بەشدارۍ چالاکییەکا بێنۍ و ۋەرا ۋەر بە هرووژمەکا پۆلیسی ناڕەزایشا بەربڕی. هامکات گەل جە دۆرتیولۆوە بەرەو رێکوزیاو دەم پارتی شارەکەی ڕاپیمایشا کەرڎ.

دماو هرووژمەکا پۆلیسی، گەل جە جاڎەو گوڵستانێنە کە بە کۆماندۆی دەوردریابۍ، دەسشا بە مڎرامانی کەرد و بە شێوێوە جەماوەری جوابو هرووژمەکا پۆلیسیشا داوە.

یاگۍ ئاماژەیا مڎرامان جە فرەو ناوچەکا شارەکەینە بەردەواما.