مڎرامانوو مێردینی: قەیوم کودەتانە
مێردیننە دژو کودەتاو قەیومی شەو و ڕۆ مڎرامان بەردەواما.
دژوو دەسسەرەرەگێرتەی شارەوانی گۆرە شارو مێردینی چالاکی شەرمەزارکەردەی بەردەواما و چنی مڎرامانوو گەلی نوێنەراو پارت و لایەنە سیاسی و ڕێکوستەییەکا ۋەردەمو شارەوانی دەسسەرەرەگیریاو شارو مێردینینە گلێرۍ بیێوە.
چالاکیەکانە لافیتە بە درووشمەو 'قەیوم کودەتانە، دەسسەرو ئیراڎەیمارە مەگێردۍ' بەرزکریاوە و گەل بە درووشـمەو 'مێردین پەی ئێمەن'، 'قەیومی لامڎەیمۍ، سەرکۆتەی پەی ئێمەن' و 'بژیۋۆ مڎرامانو گەلوو کوردی' تا ۋەردەمو بیناو شارەوانی ڕاپیمایشا کەرڎ.
هامسەرۆکۆو شارەوانی گۆرە شارو مێردینی، دەڤریم دەمیرە قسێش کەردۍ و دەسنیشانشکەرڎ کە مېڎانەکا مڎرامانینە با و مافەکاشا بەدەس ماراوە.
هامسەرۆکو گرڎی دەبەپەی کەسکین بایندەر جە چالاکیەکەنە قسێش کەرڎۍ و ئاماژەش پانەی دا کە قەیوم بیەن بە پرسێوە مېیاننەتەوەیی و جە گرڎ یاگێوە پەشتگیری جە گەلوو کوردی مکریۆ و واتش: "ئەرەکۆشایما ئەرەکۆشای ئازادیین، ڕژێمو سەپنای قەیومی جە ۋەرا ۋەرو مڎرامانوو گەلوو کوردینە مەڕیۆ."
