"خۆزگە پێنووسێکم هەبووایە، مەرەکەبەکەی لە خوێنی دڵم بێت،

دەفتەرێکم هەبووایە، لاپەڕەکانی لە جگەرم بێت

بە زمانێک لێم بنووسیایە، تەنها تۆ و پەپوولەکان بیخوێننەوە،

بەڵکو بە ئاوازەکان، ئەم هەورە ڕەش و تاریکانەی سەر قەندیلەکەم دەڕەوینەوە

بەڵکو دیسان زەردەخەنە دەکەوتەوە نێو دڵی من،

ئیتر ئێمەش وەک هەمووان شادبووینایە بە خوشک و خوشکایەتی".

ژنانی تێکۆشەری ئامەد هەردەم لە تێکۆشانی ئازادیدا ڕۆڵێکی مەزنیان هەبووە. یەک لەو قارەمانانە، گەریلا ژیان شاهین بە ناسناوی ژیان وڵات بوو، کە ٨ ی تشرینی یەکەمی ٢٠١٣  لە هەرێمەکانی پاراستنی مەدیا شەهید بوو.

بەبۆنەی ١١ هەمین ساڵیادی شەهیدبوونی شەهید ژیان وڵات، هێڤی ئامەدی خوشکی شیعرێکی نووسی و خوشکەکەی بیرهێنایەوە.

شیعرەکە لەلایەن خەباتکاری چاپەمەنی ئازاد ڕەشاد سۆرگول خوێنرایەوە، بە وێنە و دیمەن لە ساتەکانی ژیان و تێکۆشانی ژیان وڵات وەک کلیپێک بڵاوکرایەوە.