هەپەگە گەشمەرڏۍ حەفتانینیش یاڏۍ کەردێوە
هەپەگە بە ڕێز و پنەزانایۆ یاڏو چوار گەریلایا گەشمەرڏاش کەردۆ و واتش: "قەولما واوەی مکەرمێوە ئاڵاو شۆڕشی کە گەشمەرڏێما ڕادەسشا کەردێنمێ، بە وەرپرسیاریێ گۆرۆ، بیاونمێ بە سەرکۆتەی."
ئەرەیاوناوگەشمەرڏا
مییانو ئەرەیاونا و چاپەمەنی هەپەگەی بە ئەرەیاونێوە گەشمەرڏە بییەو چوار گەریلایاش ئەرەیاونا کە هەرێمو حەفتانینی گەشمەرڏێ بیێنێ.
ئەرەیاوناکەو هەپەگەی پی جۆرەنە:
"جە ٢٩و تشرینو یوەمی ٢٠٢٤نە جە ئەنجامو هرووژم کەردەو دووژمنی پەی سەرو هەرێمو حەفتانینی فەرماندەو فیدایی ئاپۆیما و هەمڕێما دلۆڤان، زۆزان و ئاڤزەم گەشمەرڏێ بیێ. بە ڕێز و پمەزانایۆ یاڏو هەمڕێیا گەشمەرڏا مکەرمێوە و قەولما واوەی مکەرمێوە.
هەمڕێما ئاخین هامشێوەو خاکو بۆتانین کە چنەش ئەڏایا بییەن، هەمڕێما ئاخین زەرفی، مڏرامانو، ڕەسەنی و بییەو وێش بە ئەوەکۆشایش جە کەسایەتی وێشەنە برمانا. هەر جە تەمەنو زاڕۆڵەیۆ ئاشناو گەریلایەتی بیی، وە گەریلایەتیش پێسەو ئامانجێوە وینا کە بە دڵنییایۆ مشۆم ئەزموونش بکەرۆ. دلێ ڕیزەکا گەریلاینە وێش ئشناساوە و پەی ئانەی جە کەشەکا کوردەسانینە موبارەکی ژیوای ئازادی جە کەسایەتی وێشەنە خوڵقنۆنە ئەوەکۆشایێش کەرد. بە ئەوەکۆشایش بیی میلیتانێوە نموونەیی و فەرماندێوە سەرمەشق. جە فەرماندارێتی وێشەنە گرڏ کاتێ جە فەرمانداری ئەیالەتی گرڏ کاتێش بە ئەوەکۆشای بە بنەما گێرت کە بە ڕەنجدایش گۆرە بۆنە و پی جۆرە بیی بە یۆ جە درووسترین نموونەی سادەو فەرمانداری پەکەکەی. هەمڕاما جەر مێڏانەنە کە ئەرکش دلێنە ملۆڕاوە، بەبێ کەموکوڕی دەورو سەرمەشقی یەژا ستاریش بەیاگێ یاونا. هەمڕێما دڵسۆزبییەیش بە ڕابەر ئاپۆ، گەشمەرڏا و هەمڕێیاش جە گرڏ چێوێ تەر بە گرنگتەر وینا. بە تەمامەتی بە ئەوەکۆشای وێش جە تاریخو ژەنا و گەلەکەمانە یاگە پەنجێش دیارییە کەردە. جە وەراوەرو یاڏکەردەیش بە ڕێزداریۆ وێما منامنمێرە.
هەمڕاما دلۆڤان فرە بەزووی وڵاتپارێزی و مڏرامانو ئامەدیش بەدەسئارد و بیی شۆڕشگێڕێوە بەهێز. پۆکەی هەمڕاما بە سروشت، قەولو و پراکتیکو وێشۆ بیی میلیتانێوە ئاپۆیی. حەر جە یوەم دەقەو بەشداربییەیش دلێ گەریلای بە سەقامگیری، ژیوای خاکیانە و بەشداربییەی درووسی بیی بە نموونێوە پەی گرڏو هەمڕێیاش. هەمڕاما دلۆڤان حیچ کاتێ بڕواو هەمڕێیەتیش جە دەس نەرا و جە گرڏ مێڏانێوە ئەوەکۆشاینە بە ڕەنج و فیداکارییۆ بەرکەوتەن. پێسەو یۆی جە سادەترین میلیتانێوە پەکەکەی جە تاریخو ئەوەکۆشایمانە یاگێش گێرتە.
هەمڕێما زۆزانە ئاما کەشە ئازادەکا کوردەسانی و کەردش بە تاکە ئامانجو وێش، دماو ئانەی سەما مارینۆس – واحیدە کورتی واڵە گۆرێش بەشداریش دلێ ڕیزەکا گەریلاینە کەرد، بە قەراردای و وەشەویسی ئازادییۆ ڕووەش کەردە کەشەکا کوردەسانی. حەر جە یوەم دەقەو بەشداربییەیش جە ئەوەکۆشای سەرو هێڵەو گەریلایەتی فیدایی ئاپۆیش پەسەن کەرد و فەرماندێ فیداییما زیلان – زینەب کناجیش کەردە بە نموونەو وێش. هەمڕێما زۆزانە جە تەماو ژیوایشەنە ئەوەکۆشایش کەرد، سەرەراو ئانەی جە چنین مێڏانەنە بە فیداییۆ ئەوەکۆشا و چنین گورزەش جە دووژمنی قڕکەرو گەلەکەیما دا، حیچ کاتێ دەسبەردارو هەڵوێسو خاکیانەو وێش نەبییە، وە وێش بە قەرزارەو گەلەکەیما وینێ. هەمڕێما زۆزانە پی تایبەتمەندییاوە بییە خاوەندارەو هەڵوێستێوە شۆڕشگێڵانە، مشۆم گرڏ جوانی کوردەسانی ئی هەڵوێسەیە بکەرۆ بە نموونێوە پەی وێش. بە هەڵوێسو وێش سەرو هێڵەو ئازادی ژەنێ و بە فەلسەفەو ئاپۆیی ڕۆشن بیۆ. هەمڕێما زۆزانە سادەترینەو نموونەو حەقەتینە ژەنێ کوردە ئازادی و بییە میلیتانێوە بژاردەو پارتی پەکەکە-پاژکیما.
هەمڕێما ئاڤزەمە جە شڕناخو دڵو بۆتانیۆ جە قورسترین قۆناغو ئەوەکۆشاینە بەشداریش دلێ ڕیزەکا گەریلای کەرد، گەرەکش به وەرپرسیارەتی وێش جە وەراوەرو گەلەکەیما یاگێ یاونۆنە. ئی قۆناغەش پێسەو جە ئەڏایا بییە و ژیوایۆ هورسەنگنا. کاتێ یاوانە سیسەمو سەرمایەداری ژەنی سەرکووتە مکەرۆ، ئاکاتە زیاتەر خاوەنداریش جە ئەوەکۆشای ئازادی کەرد. بە ڕووحو ئەوەکۆشایش بییە بە گەریلێوە نموونەی یەژا ستار پەی هەمڕێیاش. جە قۆناغو مڏرامانو ئێدارەو وێڕاوەبەرینە جە حەقەتینەو دووژمنی یاوانە، کە چی قۆناغەنە فرە جە هەمڕێکێش گەشمەرڏێ بییێ. هەمڕێما ئاڤزەمە حەقەکەردەیۆ گیانو هەمڕێیا گەشمەرڏاش کەرد بە ئامانجو وێش و جە تەمامو ژیوایشەنە ئەوەکۆشایش کەرد.
پێسەو هەمڕێیا گەشمەرڏاما، سەرسەلامەتی جە بنەیانەو هەمڕێما ئاخینی، دلۆڤانو، زۆزانێ و ئاڤزەمە و گرڏو گەلوو کوردەسانی وڵاتپارێزیما مکەرمێ و قەولما واوەی مکەرمێ ئاڵاو شۆڕشو گەشمەرڏاما بە وەرپرسیارەتی گۆرەوە یاونمێ بە سەرکۆتەی و بیمێ بە شایستەو ئەوەکۆشایما.
زانیاریۍ سەرو شناسنامەو گەشمەرڏاما پی جۆرەنە:
ناسنامۍ: ئاخین جودی
نامێ و دما نامێ: حەلیمە کایە
یاگێ جە ئەڏا بییەی: شڕناخ
نامێ ئەڏۍ – تاتەی: بەسنا - مەحمود
یاگی و کاتو گەشمەرڏەبییەی: حەفتانین / ٢٩ی تشرینو یوەمی
***
ناسنامۍ: دلۆڤان ئاڤزەم
نامێ و دما نامێ: محمەد ئینان مینتاش
یاگێ جە ئەڏا بییەی: ئامەد
نامێ ئەڏۍ – تاتەی: حەلیمە – عادل
یاگێ و کاتو گەشمەرڏە بییەی: حەفتانین / ٢٩و تشرینو یوەمی
***
ناسنامۍ: زۆزان ڕووکەن
نامێ و دما نامێ: چیدەم کورت
یاگێ جە ئەڏا بییەی: جۆلەمێرگ
نامێ ئەڏۍ – تاتەی: فەیروز - سلێمان
یاگێ و کاتو گەشمەرڏە بییەی: حەفتانین / ٢٩و تشرینی یوەمی
***
ناسنامۍ: ئاڤزەم جودی
نامێ و دما نامێ: عەزیمە کابول
یاگێ جە ئەڏا بییەی: شڕناخ
نامێ ئەڏۍ – تاتەی: فەیرەوز – شیخموس
یاگێ و کاتو گەشمەرڏە بییەی: حەفتانین / ٢٩و تشرینو یوەمی."
