ئەرەیاۋناو مېیانو ئەرەیاۋنای و چاپەمەنی هەپەگەی (هەپەگە-نەڕەچە)ی پی جۊرەنە:

"هەمڕاما شۆڕشگێڵنەی گۊرۍ ئەنتەرناسیۆنالیستە، تیژدا زاگرۆسە جە ٢٩و نیسانو ٢٠٢٥ینە جە مېڎانو مڎرامانو کەشو وەهاری جە هەرێمو گەشمەرڎە دەلیلی جە ۋەرنیشتو زاپی، جە ئاکامو بۊمبوارانو فڕۆکەی بێفڕۆکەوان-سیهاو دۊڵەتو تورکینە گەشمەرڎۍ بیە.

هەمڕاما تیژدا سەرو بنەماو ئازادی گەلا، پارادیمو دیموکراتیکی، ئیکۆلۆژی و ئازادیوازی ژەنەو ڕابەر ئاپۆیش جە ۋێشەنە نامنشین کەرڎ، ۋێش جە سیستەمو سەرمایەداری بڕیەرە و ڕووەش کەرڎە کەشە ئازادەکا کوردەسانی. هەمڕاما کە باوەڕی تەمامش بە ئازادی مرۆڤایەتی بۍ، پەی پېکئاوردەی سۆسیالیزمو گلېرگەی دیموکراتیکی پەرەش بە ئەوەکۊشای دا. هەمڕاما جە کەشەکا کوردەسانینە ئاشناو حەقیقەتو ۋێش بۍ، سەرو ئی بنەمایۍ پەی گرڎو گەلا ئەوەکۊشا و بیە بە نموونێوە جە فیداکاری گۊرەی کە تا دما هەناسەکا ژیۋایش وەرگیریش چی بەهایا کەرد. هەمڕاما کە سەرو هێڵۊو فیدایی بەبێ دووەدڵی هەنگامەش هۊرگێرتە، فیداکاری جەنگکەردەی زیلانێش کەرد بەئامانجو ۋێش و میراتیێوە گۊرەو ئەوەکۊشایش دماو وێش جیا ئاست.

هەمڕا تیژدا بیە بە میلیتانێوە فیدایی نموونەیی پەکەکە-پاژکی و یاگۍ ۋێش جە تاریخو ئازادی گەلانە گېرت. بە گلېرکەردەیۆ ئەزموونو ئایدۆلۆژی، شارەزابیەی سەروازی، هەمڕایی قوڵ و قەرارەکاشۆ پەی گورز شانای جە دژمنی، بە کەسایەتی پەڕاوپەڕ جە مۆراڵی و جۆش و خرۊشیوە گرڎ ئەرکێوەش بە سەرکۊتەیی یاونا مەنزڵ. هەمڕاما تیژدا کە ڕێچکەگرەو ڕوناهی (ئاندریا وۆڵف)ۍ، نوودەمۍ (یوتا شنایدەربانگەر)، شیارۍ (جاکۆب ڕیمەر)، سارا (سارا هاندلمان)، باگەر (میشێل پانسیر) ئازاد (تۆماس جۆهان سپایس) و ئێلێفتریا (ئیڤا ماریا شتایگەر)ۍ بۍ بە شێوێوە نامۍ ۋێش جە تاریخو ئەوەکۊشای ئازادی گەلانە تۆمارکەرد کە پەی هەمیشەی زیڼۍ بۆ.

سەرەوەشی ۋێما جە بنەیانەی قارەمانو هەمڕا تیژدای، هەمڕایا ئەنتەرناسیۆنالیستیما و گرڎو گەلا مکەرمۍ، قەول مڎەیمۍ جەهانێوە سۆسیالیست، ئازاد  و یەکسان وەش بکەرمۍ کە گۊرەتەرین حەسرەتو هەمڕێما بۍ.

زانیارییەکۍ سەرو ئشناسنامەو هەمڕا تیژدا زاگرۆسۍ پی جۊرەنە:

ناسنامۍ / تیژدا زاگرۆس

نامۍ و دما نامۍ /کێلی فرێیگانگ

شۊنەماو جە ئەڎابیەی / هامبۆرگ – ئەڵمانیا

نامۍ ئەڎۍ و نامۍ تاتەی / گوندا – جۆگهەن

کاتو شۊنەماو گەشمەرڎەبیەی /٢٩و نیسانو ٢٠٢٥ / زاپ."