قەسەدە: دووێ جەنگاوەرێما گەشمەرڏێ بیێ

قەسەدە ئەرەیاوناش کە دووێ جەنگاوەرێما گەشمەرڏێ بیێنێ.

مییانو ئەرەیاونا و هێزەکا سوریاو دیموکراتی (قەسەدە) سەبارەت بە گەشمەرڏەبیێی دووە جەنگاوەرەکەی ئەرەیاونێوەش وەڵاکەردۆ.

ئەرەیاوناکەینە ئامان: "هەمڕێما عەگید تێکۆشەر (سلێمان سلێمان) جە هەرێمو شەدادینە جە ڕووەدایێ هاتوچۆینە و دڵسۆز کۆبانێ (عەلی محمد ئەل ئەحمەد) جە ڕووەدێوە پەروەردەییند گەشمەرڏێ بیێ.

هەمڕاما عەگید جە دەستپێکو کە ئامای پاڵو هێزەکا ئێمە، بەشداریی بڕێ خولی پەروەردەو سەروازی، سیاسی و ئایدۆلۆژیی پڕۆفیشناڵیش کەرد. جە پەروەردەکاشەنەک زانیاریی و ئەزموونێوە فراوانش بەدەسئارد، بی بە فەرماندێوە مەیدانی کە وەرپرسیارەتی گۆرەش هورگێرت. چنی بەرەو هەرێمەا سەرنیشتیوو وەرکەوتوو سوریای هەرمانەش کەرد، بەشداریی هەنگامەکا ڕزگارکەردەی دێرەزۆری بی. جە جەنگ و مڏرامانەنە دژو ڕێکوزیا و تیرۆرستیی داعشی وەڵێوە بێ، جە تەوقەو دوژمنی و نیارە و کەمینینە فەرماندێوە نموونەی بێ. هەمیشە هەمڕێکاش جە دوژمنی تەرسناکی پارێزنێ."

جە بەردەوامیی ئەرەیاوناکەینە سەبارەت بە گەشمەرڏە دڵسۆز کۆبانێ ئامان: "سەرەڕاو ئانەی کە تازە ئاما بێ دلێ ڕیزو هێزەکاما بەڵام جە جابەجێ کەردە  و فاڕا و کەسایەتیی وێشەنە ئاستێوە گرنگو وەڵکەوتەیش نیشاندا. بە بەشداربییەیش جە خولە پەروەردەییە سەختەکانە، فاڕییایێ گرنگش جە بوارو ویرکەردەیۆ و لواشۆنی خوڵقنا، بی بە جەنگاوەرێوە کە بە گرڏ و هێزو وێسۆ گەرەکش بێ خاک و گەلەکەیش پارێزنۆ. ئەرک و وەرپرسیارێتیی پارێزنا و ئاساییش و ئارامی جە بڕێ ناوچێ سەرنیشتوو وەرکەوتوو سوریای وست ئەستۆو وێش، بێ ئانەی بێزاری یان ناڕازی بییەی سەبارەت پی ئەرکاشە نیشانە دۆنە، ئەرکو وێس بە ڕێک و پێکی جابەجێ کەرێ.

هەمڕاما دڵسۆز خاوەن ڕوحێوە هەمڕایەتی بەرزی بێ. بە ڕاستگۆیی و سادەییش ئشناسیێ. دلێ هەمڕێکاشەنە نموونێوە دڵسۆز و ڕاستگۆ بێ. هیچ کات جابەجێ کەردە و ئەرک و وەرپرسیارەتی نەوزێ لاوە، بەڵام هەمیشە وەڵێوە بێ. فرە و جاری بە خۆبەخشی ئەرکو هەمڕێکاش  جابەجێ کەرێ. گەشمەرڏەبییەیش بۆشاییێ گۆرەش پەی هەمڕێکاش وەشکەرد.

سەرو بنەیانە و هەردووی گەشمەرڏا و گەشمەرڏ سەلامەت بۆ. ئێمە جەخت مکەرمێوە چانەی کە ڕاو  گەشمەرڏا بەردەوامیش پنە مرەیمێ تاوەکو هیوا و ئامانجەکێشا بەدیدی مەیا."

شناسنامە و گەشمەرڏا

شناسنامە : عەگید تێکۆشەر

نامێ و دما نامێ: سلێمان سلێمان

نامێ ئەڏێ: لەیلا

نامێ تاتەی: عەبدولقادر

یاگێ جە ئەڏابییەی: قامیشلۆ

یاگێ و بەروارو گەشمەرڏەبییەی: شەداد، ٣ـی تەموزو ٢٠٢٥

*

ناسنام: دڵسۆز کۆبانێ

نامێ و دما نامێ: عەلی ئەحمەد

نامێ ئەڏێ: یاری

نامێ تاتەی: محمد

یاگێ جە ئەڏایا بییەی: کەکلیلی گەورە

یاگێ و بەروارو گەشمەرڏەبییەی: عەین عیسا- دەگاو حەیمەر کەراد، ١ـو تەموزو ٢٠٢٥.‌»