ئەنقەرەنە سەبارەت بە 'پرۆسەکە'ی و 'کۆمسیۆن'ی ئاماو لوای بەردەوامە
نوعمان کورتوڵموش سەرۆکو پەرلەمانی چنی ئەردۆغانی و ۋەرپەرسا سەروازی سەبارەت بە "پرۆسەکە"ی و "کۆمیسیۆنو پەرلەمان"ی کە تەسەور کریۆ ئەرەمەرزیۆنە، گلېربیۆ.
نوعمان کورتوڵموش، سەرۆک پەرلەمانو تورکیای جە نووسینگەو ۋێش جە پەرلەمانەنە چنی یاشار گولەری، وەزیرو ۋەرگیری تورکیای، هەرپاسە مەتین گۆراک سەرۆک ئەرکانو گرڎیی تورکیای و فەرماندە سەروازییەکا گلېربیۆ. جە گلېرۊبیەکەینە باس جە وەڵێئامایە ئەمنی و سیاسییەکا کریا.
دماو ئی دیدارە گرنگەیە، کورتوڵموش بەشتەپەنە چنی ڕەجەب تەیب ئەردۆغانی، سەرۆککۆمارو تورکیای و سەرۆکو ئاکەپەی گلېربیۆ.
جە گلېرۊبیەکەینە باس جە "پرۆسەو ئاشتی و گلېرگەی دیموکراتیک"ی و پلانەو پێکئاوردەی کۆمسیۆنێوە پەی لوای شۆنیرەو پڕۆسەکەی کە پەیوەندیش بە پرسو کوردیوە هەن کریا. تا ئیساتې حیچ ئەرەیاۋنێوە فەرمی سەبارەت بە گلېرۆبیەکا وەڵا نەکریانۆ.
