سوەیدانە ١٥٤کەسې مەدەنیې و بە گرڎی زیاڎ جە ٥٠٠ کەسا کوشیێنې
ڕێکوزیاو مافو مرۆڤو سووریای(سۆهر) وەڵاش کەرڎۆ جە سەرەتاو دەسپنەکەردەی جەنگەکەینە کە بە هرووژمو هێزەکاو حکومەتو کاتی سووریای دەسشپنەکەرڎ، زیاڎ جە ٥٠٠ کەسا سوەیدانە کوشیێنې.
بەگوێرەو گوزارشتێوە تازې ڕێکوزیاو مافو مرۆڤو سووریای (سۆهر)، جە چن ڕۊی ۋېیەردەنە بە مەڵامەتو جەنگیۆ جە پانیشتوو سوریای زیاڎ جە ٥٠٠ کەسا کوشیێنې.
سۆهر ئەرەیاۋنانش، ٧٩ جەنگەوانې دروزې و ١٥٤هاموڵاتیې مەدەنیې خەڵکو سوەیدای بیێنې قوربانی، کە ٨٣ کەسێشا بەبێ دادگاییکەردەی جە لایەنو سوپاو وەزارەتو ۋەرگری سووریایۆ دریێنې قەنارە."
سۆهر ئاماژەش پانەی کەرڎەن، چا جەنگەنە کە ڕۊو یەکشەمەیۆن دەسشپنەکەرڎەن، ٢٤٣ کەسې جە هێزەکاو حکومەتی و ١٨هرووژمبەرې تەرې سەر بە سوپې کوشیێنې.
هەرپاسە جە هرووژمە ئاسمانییەکا ئیسرائیلینە ١٥ئەندامې هێزەکاو حکومەتی کوشیێنې.
جگە چانەیچ سەرچەمە دلېینەییەکې ئەرەیاۋناشا کە هێزەکې حکومەتو کاتیی فرەو یانې دروزییەکاشا سۆچنێنې و کاولێشا کەردێنې. هەرپاسە ئەگەرو ئانەی هەن ئا کۆمکوژییە ۋەروەڵاتەر بۆ و هەڵای تەرمەکې جە یانې و جاڎەکانە جیا مەنێنې.
