سایە سیدالە، زینانیەی سیاسیە جە زینانو قەرچەکینە، بە وەڵاکەردەیۆ پەیامێوە جە پەلیانەی تایبەتی ۋێشەنە جە ئینستاگرام سەبارەت بە ئاژەو خراپو پەخشان عەزیزیې، زینانیەی سیاسیەو کوردی ئاگادیش دا.

جە پەیامەکەو سایە سیدالێنە ئامان. "پەخشان عەزیزیە جە ماوەو شش مانگا ۋېیەردەینە کریێنە مەرامو هرووژمە بەرنامە پەی مجیاراکا (دەروونی و بەڎەن)ـی جە زینانەنە. ئادە سزاو قەنارەیش پەی بڕیانۆ و تەنیا 'دووې هەنگامې جە قەنارەیۆ' دوورەنە."

سیدالە چی پەیامەنە بە وستەیڕوەو پرسیارەو ئانەی کە 'ئی هرووژمې چکۆوە سەرچەمە گێرا؟' داواو ڕۊشنکەردەیۆ ڕەهەندەکا ئی ڕەفتاراشە کەرڎەن. سیدالە جە پەیامەکەشەنە بانگەوازش پەی ئاژەو پەخشان عەزیزیې کەرڎەن و ماچۆ: "ئیتر کاتو 'ئیدانەکەردەی و چەمڎاریکەردەی' ۋېیەردەن و ڕاگێرتەی جە ڕووەدای هەر جۆرە ڕووەدایێوە خراپی پەی ئی زینانیې، ئەرکێوە مرۆیی و یەکسەرییا."