هەپەگە-نەڕەچە بە شکۆوە یاڏ و پەنچ گەریلایاش کەردۆ و واتش: "هەمڕێما ئارژینە، لۆرینە، زەندا، بەربانگ و نالینە میراتێوە مڏرامانیشا پەی نەوەکا ئایندەی جیائاست و بیێ سەرچەمە و ڕۆشنای ئایندەیما. پەی هەمیشەی بانە بە شۆڵەچراوەو ئازادی، کە ڕاما ڕۆشن مکەرۆوە."
مییانو ئەرەیاوناو چاپەمەنی هەپەگەی (هەپەگە-نەڕەچە) پەیوەس بە یاڏکەردەیۆ گەریلا گەشمەرڏەکا ئەرەیاونێوەش دا. ئەرەیاوناکەی پی جۆرەنە:
"هەمڕێما ئارژین، لۆرین، زەندا، بەربانگ و نالین کە جە کانوونو دووەمی ٢٠١٨نە جە هرووژمێ دووژمنینە پەی سەر و هەرێمەکا پارێزنا و مەدیای گەشمەرڏێ بیێ، بە ڕێز و پنەزانایۆ یاڏش مکەرمێوە و قەولمرەیمێ وەرمو ئازادیی گەشمەرڏا نەمریما یاونمه بە سەرکۆتەی.
دۆڵەتو تورکی ئەرەگیری جە ساڵە و ٢٠١٨نە سەر و بنەماو قڕکەردەی گەلەکەیما بە ئامانجو دلێنەبەردەی ئەوەکۆشای ئازادی گەلەکەیما پەرەش بە هرووژمەکا دا. ئەرەگیرێ کە نەتاواشا جە وەراوەر و گەریلاینە جە مێڏانەکا جەنگینە وێشا ڕاگیر و پێسە و کۆتا چارە جەنگەکێشا بە بەکارئاردە و تەکنیکی بەرد ڕاوە، گرڏ و دەرفەتەکا وێشا بەکارئارد و هرووژم و سەرو مێڏانەکا گەریلایشا کەرد. هەمڕێما ئارژین، لۆرین، زەندا، بەربانگ و نالین کە وەڵێ ئی بەربەرێتیە و دووژمنی بە ئیرادەو ئاپۆییۆ مڏرامانی داستانیشا نیشانە دا، بە فیداکارییۆ جەنگاش کەرد و جەسە و وێشا کەرد قەڵغان پەی پارێزگاری جە گەلەکەیما. هەمڕێیا فیداییما کە گرڏ کاتێ وێشا کەردەن داستانێوە و ڕاشا نەرێنە بە دووژمنی، بیێنێ سیمبوڵو ژیوای شکۆدار و ئازاد.
مڏرامان و تاریخی هەمڕێیاما ئارژین، لۆرین، زەندا، بەربانگ و نالین جارێوە تەر هێڵە و مڏرامانی و سەرکۆتە و ئەوەکۆشای ئازادی کوردەسانیشا نیشانە داوە. هەمڕێما ئارژین، لۆرین، زەندا، بەربانگ و نالین کە بە پاگیری، ئیرادە، مڏرامانی تاکتیکیی و فیداکارییێ گۆرەوە بەردش ڕاوە، میراتیێوە جە ویر نەکریا پەی نەوەی تازە جیائاست، پەی هەمیشە بانە مەشخەڵو ئازادی و ڕاما ڕۆشن مکەرۆوە.
سەرەوەشی وێما جە بنەیانە و ئێژای هەمڕێیاما ئارژین، لۆرین، زەندا، بەربانگ و نالین کە ڕۆشنای ئارۆیشا خوڵقنا و گەرەنتی پاشەڕۆیمانێ، جە گەلا وڵاتپارێزنو کوردەسانی مکەرمێ.
زانیارییەکێ سەر و شناسنامەو هەمڕا گەشمەرڏەکاما پی جۆرەنە:
ناسنامێ: ئارژین گارزان
نامێ و دما نامی: بێریڤان عەتا
یاگێ جە یەڏابییەی: بەدلیس
نامێ ئەڏێ و تاتەی: سەنایەت - ئیبراهیم
کات و یاگێ گەشمەرڏەبییەی: کانوونو دووەمو ٢٠١٨ / هەرێمەکا پارێزنا و مەدیای.
***
ناسنامێ: لۆرین گەلاوێژ
نامێ و دما نامێ: گوڵجان گۆزەدین
یاگێ جە ئەڏابییەی: ئاگری
نامێ ئەڏێ و تاتەی: زەهرا - سەفەر
کات و یاگێ گەشمەرڏەبییەی: کانوونو دووەمو ٢٠١٨ / هەرێمەکا پارێزنا و مەدیای.
***
ناسنامێ: زەندا ئاڤێستا
نامێ و دما نامێ: فەریدە چەسەن
یاگێ جە ئەڏابییەی: ئاگری
نامێ ئەڏا و تاتەی: نەعیمە - محەمەد
کات و یاگێ گەشمەرڏەبییەی: کانوونو دووەمو ٢٠١٨ / هەرێمەکا پارێزنا و مەدیای.
***
ناسنامێ: بەربانگ چیاگەر
نامێ و دما نامێ: ئیلیاس بنبەرداغ
یاگێ جە ئەڏابییەی: وان
نامێ ئەڏا و تاتەی: نازەلین - تەیمور
کات و یاگێ گەشمەرڏەبییەی: کانوونو دووەمو ٢٠١٨ / هەرێمەکا پارێزنا و مەدیای.
***
ناسنامێ: نالین ئەڤین
نامێ و دما نامێ: ئەڤین یوجە
یاگێ جە ئەڏابییەی: جۆلەمێرگ
نامێ ئەڏا و تاتەی: نەعیمە - نەجدەت
کات و یاگێ گەشمەرڏابییەی: کانوونو دووەمو ٢٠١٨ / هەرێمەکا پارێزنا و مەدیای."
ئارژین کارزان-ە
*****
لۊرین گەلاوێژە
*****
زەندا ئاڤێستا
*****
بەربانگ چیاگەر
*****
