یۆبیەو دختۆرا تورکی (TTB) دەربارەو مەراسیمو دلېنەبەردەی چەکو "گرووپو ئاشتی و گلېرگەی دیموکراتیک"ی ئەرەیاۋنێوەش وەڵاکەرڎۆ.

جە ئەرەیاۋناکەینە ئاماژە پانەی مکەرۆ، ئاشتی تەنیا بە کپکەردەی چەکی نمەبۆ، بەڵکم ئەشۆ دادپەروەرییچ بې دی، گرڎ کەسې مافو ژیۋایې یەکسانی و شکۆداریش بۆ، هەرپاسە ئاشتی بە بنەما ئەخلاقییەکاو دختۆریوە پېوەسا، یۆبیەو دختۆرا تورکی هەمیشە دژو گرڎ جۆرە جەنگێوە مردانۆ، پارێزگاریش جە کۆمارێوە یەکسانی و ئازاد و ئاشتییانە و دیموکراتیک و سیکۆلار و جیهانێوە بێ جەنگی و ستەمکاری کەردەن.

داواکاری

جە ئەرەیاوناکەینە ئامان، وەرپرسیارێتیێ گرنگ گنۆنە ئەستۆو دەسەڵاتی و ئی داواکارییە بەپەلەشا ڕیز کەردەن:

"*مشۆم زینانیێ نەوەشێ ئازاڎێ بکریا.

*مشۆم گرڏ و زینانیا سیاسی بەبێ زینانی کەردەی دادگایی کریانە، بەپاو یاساکا ئیسەی، مشۆم چەمەڕاو بنەمێ پەی بەرژەوەندیی تۆمەتبارا کریۆنە.

* مشۆم دمای بە سیاسەتو قەیومی بێنە و کەسێ هورچنیێ ئازادێ کریانە و گێڵاوە سەرو ئەرکەکاشا.

*مشۆم گرڏ و بەربەسەکا وەردەمو ئازادیی ڕابەربڕییەی و ویرکەردەیۆ و قسێ و چالاکی، هور گیریانە".