دما و هرووژم کەردی سەرو کێڵگەو نەوتێ سەرسەنگی سەر بە شارو دهۆکی جە هەرێمو کوردەسانینە کۆمپانیای ئەمریکی (HKN Energy) کە چا کێڵگێنە هەرمانە مکەرا، بەشێوەی کاتی هەرمانەکێش مدرنێ.
هرووژمەکە بەشێوەن چا هرووژما کە جە چن ڕۆی دماینە کریان سەرو چێرخانەکا وزەو کوردەسانی.
حکومەتو هەرێمو کوردەسانی هرووژمەکەش پێسە و "کردەوێوە تیرۆریستی دژو چێرخانو ئابووریی و ژیوای هەرێمەکە" ی پێناسەکەرد.
ئەرەیاوناش کە دما و تەقینەوەکەی، جە دەوروبەرو سەعات ٧:٠٠ ئێرەکە کۆتەنۆ.
کۆمپانیای ئەمریکی (HKN Energy) ئەرەیاوناش ئێرەکە کۆنتڕۆڵکریان و هیچ زەرەرێ ڕووەش نەرێنە، تا مسۆگەرکەردە و ئاسایش و سەلامەتی، گرڏ و هەرمانەکاش مدرنا.
هرووژم سەر یۆی
ئی هرووژمە دما و هرووژمەکەو ڕۆو دووشەممەی پەی سەرو فڕۆکەخانەو هەولێری و هرووژمێ فڕۆکەی بێ فڕۆکەوان پەی سەرو کێڵگێوە تەرو نەوتێ جە خورمەڵەنە، مێ. ئی هرووژمێ زەرەری ماددیی جددیشا چنە کۆتۆ.
تا ئیسە هیچ لایەنێ وەرپرسیارێتی هرووژمەکەیش نەگێرتەن ئەستۆ، ٣ـی تەمموزی وەرپرسا کوردسانی گرووپو حەشدو شەعبییشا تۆمەتبارکەرد با هرووژمەی جە نزیکو فڕۆکەخانەو هەولێری ڕووەشدێنە. بەڵام حکومەتو عێراقی ئینەش ڕەتکەردۆ.
ئەمریکا ناڕەزایەتیش بەربڕی
باڵیۆزخانەو ئەمریکای جە بەغانە هرووژمەکێش شەرمەزار کەردێ و ئەرەیاوناش "قبووڵ مەکریۆ".
باڵیۆزخانەکە داواش جە حکومەتو عێراقی کەرد: "ئا هرووژمێ گرووپە چەکدارەکا مدرنۆ و کۆمپانیا مییاننەتەوەیی و هەرێمییەکا پارێزنا کە وەبەرهێنان پەی ئایندەو وڵاتەکەی مکەرا".
