جە بنەیانە و گەشمەرڏا، ئەڏا قودرەت ئەریڵمازە کە بەشدارە بێ جە مەراسیمو سۆچنا و چەکەکانە واتش: "هەسیارێ بێنمێ بە ڕووەداکەی، بەڵام قەرارێ پی جۆرە پەی گرڏیما عالا، ڕابەر ئاپۆ ئی قەرارشە دان."
ئەڏا و ئاشتی، قودرەت ئەریڵمازە ئاماژەش پانەی دا ڕابەر ئاپۆ و تەڤگەرو ئازادی کوردسانی پەی ئاشتی یەرێ هەنگامێ بنەڕەتییێشا نیێنێ، پی جۆرە وەرپرسیارێتی وێشا جابەجێ کەردەن و جەختش چانەی کەردۆ مشۆم ئیتر دۆڵەت هەنگامە بنیۆ.
سەر و بانگەوازو ڕابەر ئاپۆی جە مەڕە و جاسەنەینە هەنگامێوە تاریخییە نریا؛ گرووپو ئاشتی و گلێرگە و دیموکراتیکی بە مەڕاسیمێوە چەکەکێ وێشا سۆچنێ. جە مەڕاسیمەکەنە چنین سیاسەتمەدارێ، نوێنەرێ ڕێکوزیا مەدەنییەکا، ڕۆشنبیر، نوویسەرێ، بنەیانە و گەشمەرڏا ئامادێ بێنێ. یۆ چنیشا کە بەشدارە و مەڕاسیمەکەی نێ ئەڏا ئاشتی قودرەت ئەریڵمازە بێ.
'کاتێ گەریلێکێ ئامێرە واری، فرە هەسیارە بێنا'
قودرەت ئەریڵمازە پەیوەس بە سۆچنا و چەکەکا واتش: "هەم بە جۆش و خرۆشە بێنا هەم هەسیارە بێنا. پەی ئی خاکەی دووێ زاڕۆڵێم جە دەسدێنێ. ئەڏا و دووێ گەشمەرڏانا. زاڕۆڵەکێم جە کۆبانێ و موشە گەشمەرڏێ بیێ. کاتێ وینام گەریلێکێ بەرەو وار مەیا فرە هەسیارەبییانی. گەرەکم پێ گیروشا ئامێزم، بەڵام نەکریێ. ئی پڕۆسە سەر و بانگەوازو ڕابەر ئاپۆی دەسش پنەکەرد. بەسێ هۆزاتە و هەڤاڵێ دما و ئەرەیاوناکەی چەکەکێ وێشا سۆچنێ. ئا دەقە پێسە و ئانەی بێ دڵم فڕێ دانە دلێ ئێرەکەی، چونکە ئا چەکێ میراتو گەشمەرڏەکاما بێنێ. دماتەر ویرما کەردۆ و واتما؛ مادام ڕابەر ئاپۆ قەراش سەر و ئینەی دان، پەی گرڏیما خاسا."
'ئینە پەی گرڏیما چانسێوە گۆرەن'
جە کۆتایی قسەکاشەنە قودرەت ئەریڵمازە ئاماژەش پانەی دا پەی ئانەی پڕۆسەو ئاشتی بە ئەرێنی بلۆڕاوە، هەنگاوەکا دۆڵەتی و حکومەتی یەکلاکەرەوێ بانە و واتش: "سەدان ساڵێ جەنگ بکەرمێ کۆتایی ئی جەنگەیە ئاشتییا. بێگومان ئاشتی بۆنە. ئینایمێ جا بڕوێنە دەسو ئاشتی ڕابەر ئاپۆئ جە هەوانە مەمەنۆوە. ئینە پەی گرڏیما چانسێوە گۆرەن. مشۆم دۆڵەت ئی چانسەیە جە دەس نەرۆ. مشۆم دەمودەس ئەرکەکا وێش جابەجێ بکەرۆ. چێگۆ بانگەواز جە ئەڏایا پۆلیسی و سەروازا مکەرو؛ "بەیدێ با پێوەرە پەی پرۆسەو ئاشتی بیمێ بە پردە. ئێمەو ئەڏایا فرەتەرین ئێشما چەشتەن. جە سەرووو گرڏ و ئینیشا ئاشتیمان گەرەکا."
