جە ٤٣ەمین ساڵیاڎو "ڕۆچې مەردەی گۊرێنە" کە بە سەرمەشقایەتی کەمال پیری و خەیری دورموشی و عاکیف یەڵمازی و عەلی چیچەکی دەسش پنە کەرڎ، جە شارەکاو کوردەسانی و تورکیاینە مەراسیمو یاڎکەردەیۆ ئەنجامدریا.

ئزمیر

تەڤگەرو ژەنا ئازادی (تەژەئا) و جەمەو هامکاری و پاڵپەشتی (ANYAKAYDER) پەی گەشمەرڎا ڕۆژچې مەردەی و زەینەب کناجی (زیلان)ۍ مەراسیمێوە یاڎکەردەیۆ جە بیناو دەم پارتینە ئەنجام دریا. بەڵگەفیلمێوە نیشانە دریا و هاموڵاتیا دەربارەو مەعناو ئا ڕووەیە قسێشا کەرڎۍ.

ڕحا

دەم پارتی و دەبەپە و دەسوەڵێوستەی ٧٨ ی جە ڕحا، ناوچەو خەلیلییەینە پانێڵێوەشا ڕێکوست. واڵۍ گەشمەرڎە عەلی چیچەکی، عایشە چیچەکە و هاموتەواچەو کۆمیسیۆنو یاسایی دەم پارتی سەڤدا چەلیک ئۆزبینگۆلە بەشدارې بێنې. پانێڵەکە بە دەیەقێوە مردای پەی یاڎو گەشمەرڎا دەسش پنە کەرڎ، بێ مردای درووشمەکې "بژیۋۆ سەرۆک ئاپۆ"ی و "بژیۋۆ مڎرامانو زینانەکا" وچیاوە. شوکرو بینجی سەرنجش وست سەرو گرنگی تاریخی ١٤و تەمموزی و دماین بانگەوازو ڕابەر ئاپۆی.

مێرسین

باڵەخانەو دەم پارتی مێرسینینە پانێڵێوە ئەنجامدریا، شایەتحاڵێوە ڕۊچې مەردەی، گانی ئاڵکان قسێش کەردې و ئەرەیاۋناش زینانو ئامەدی پەی گەلو کوردی بیەن بە هێماو مڎرامانی، نیشانې تەسلیم‌ نەبیەی گەلو کوردین. ئەندامۊو ئەنجوومەنو جوانا، نور ئویکورە ئەرەیاۋناش میراسو کەمال پیری ئارۆ جە ئەوەکۊشای ژەنا و جوانانە بەردەواما. پانێڵەکە بە نیشاندای سینڤزیۆنێوە و بە گۆرانیې هونەرمەڼ قادر چاتی بە نامې " Kemal Pîr Yoldaş" دمایش ئاما.

ئەدەنە

جەمەو هامکاری و پاڵپەشتی جە بنەیانەو بێسەروشۆنا بەحری چەرمەی (AKKAYDER) و دەم پارتی پېوەرە مەراسیمو یاڎکەردەیۊیشا ئەنجامدا. جە مەراسیمێوەنە بەڵگەفیلمېوە دەربارەو ڕۊچې مەردەی نیشانە دریا.

جولەمێرگ

مەراسیمێوە جە لایەنو دەبەپە و دەم پارتی و تەژەئایۆ رێکوزیا، بە دەیەقێوە مردای پەی یاڎو گەشمەرڎا دەسش پنە کەرڎ. بەنامې دەبەپەیۆ، عایشە جەلیل ‌بیلەکە سەرنجش وست سەرو ماناو ١٤و تەمموزی پەی گەلو کوردی، ئەرەیاۋناش کە ئەوەکۊشای سەرو هێڵۊو ڕابەر ئاپۆی بەردەواما. مەراسیمەکە بە نیشاندای بەڵگە فیلمێوە دمایش ئاما.