دەسە و ڕاوەبەرایەتی مییانو پارتە هەرێمە دیموکراتیکەکا (دەبەپە) ی دەربارەو هرووژمی و پەلامارو پۆلیسەکا پەی سەر و خێزانێوە ١٠ کەسی جە بایرام پاشا بە مەڵامەتوو گۆش گێرتەی جە گۆرانیێ کوردیی، ئەرەیاونێوەش وەڵاکەردۆ.
دەبەپە ئەرەیاوناش ئینە ڕووەدایێ تاکەکەسی نییا، داواش کەردە گرڏ و ئا پۆلیسا بەشدارێ بیێنێ جە هرووژمەکەنە جە هەرمانێ دورێ وزیاوە و بەرپرسەکێ دادگایی کریانە. ئاماژە پانەی مکەرۆ، کاتو ڕووە داکەینەی زاڕۆڵێوە و ژەنێوە دووەگیانە دلێ خێزانەکەینە بێنێ، خێزانەکە سەر و جادەیۆ ڕووبەڕوو ئەشکەنجەی بیێوە، ژەنەکی بەمەڵامەتوو دایوەنەی بەپەلە بریێنە پەی عەلیات و قەستەرەی.
واوەیش مکەرۆوە، ئی هرووژمە دوژمنایەتییێ سیستەماتیک دژو ناسنامە و زوان و بییە و کوردین، ئا تنوتیژییەی جە بایرام پاشا بەر کەوت، دەرئەنجامو سیاسەتو نەژادپەرستییا کە ساڵانێوەن برەوش پنە دریۆ،
دەبەپە جەختش مکەرۆوە، پەنەوازا دەمودەس ئەوەکۆڵییای جە ڕووەداکەی بایرام پاشای کریۆ، ماچۆنە: "مشۆم دەمودەس ئەوەکۆڵییای چی تاوانێ کریۆ، گرڏ و ئا پۆلیسا جە ئەشکەنجە و هرووژمەکەنە بەشدارێ بیێنێ، جە هەرمەنێ دوورێ وزیاوە و وەرپرسیارانە دادگایی کریانە".
