یۆ جە بەشدارا مەراسیمو چەک سۆچنای، ڕۆنامەنوویس فاتیح پۆڵات بې. سەرنجەکې ۋێش سەبارەت بە مەراسیمەکەی گێڵنێوە.

فاتیح پۆڵات ئەرەیاۋناش یەنەکە کە مێمانداری ئی ساتە تاریخیەیشە کەرڎەن، بەپاو هێزو هەرەکەتیش بە هەستیاری و ۋەرپرسیاریۆ جمانۆ.

جان پۆڵات باسو ساتەوەختو دەسپنەکەردەی مەراسیمەکەیش کەرڎ و ئی ڕووەدایەشە پېسە هێزو حەقیقەتو تاریخی پێناسە کەرڎ، واتش: " سەری مەڕەو جاسەنەیۆ کە جە ڕوو میتۆلۆژیی و تاریخیوە مەعنێوە گرنگش پپەی کوردی هەن، بەسێ هۆزاتە سەرمەشقی گرووپێوە ٣٠ کەسی گەریلاینە بەرەکۊتە، ١٥ ژەنی و ١٥ پیې بێنې، چەکەکێشا دەسۆ بێنې، خێرا ئامێرە واری. ئینە ساتێوە تاریخی بې. تەڤگەرێوە گەریلایی بەشێوێوە سیمبولیک چەکەکاو ۋێشا دلېنەبەرا، تەڤگەرێوە نەوەک تەنیا وڵاتێنە، بەڵکم ٥٠ ساڵېن کاریگەریش سەرو تەمامو هەرێمەکەی بیەن، بەمەڵامەتوو ئی کاریگەریۆ، هێزە مېیاننەتەوەییەکې ناچارې بیې بەوریاییۆ چەمڎاری ئی ڕووەدایە بکەرا. جیای تەسلیمکەردەی، سۊچنای چەکەکا، هەرپاسە ئەنجامدایش جە لایەنو گرووپێوە گەریلایۆ کە بەسێ هۆزاتە ئینا دلێشانە، بێگومان تابلۆیێوە وەڵێوەختە ئاماڎەکریان.

ئا کاتە خیاڵ نەکەرێنا، بەڵام ئیسە خیاڵ مکەرو، ماچو تەنانەت دیمەنو فیلمێوە کە زەڕێوە خەیاڵیچش شیەبۆنە، نمەتاوۆ ئی هەستیە بە مرۆڤی بڎۆ. حەقیقەت و ڕاسی متاوۆ ئی هەستیە بە مرۆڤی بڎۆ. وەختێ ئەرەیاۋناکەی ۋنیاوە و چەکەکې سۆتې، گرووپەکە شۊنەو بەسێ هۆزاتێرە وردە وردە گێڵێوە پەی دلې ئا مەڕۍ کە چۆشۆ ئامێبێنې. دماو ئانەی بە ئیرادەو ئازادیی ۋێشا ئا چەکېشا سۆچنې کە ساڵانێوەن هۊرشا گێرتێنې، ئینسان متاوۆ واچۆ ئینە جە ڕاپیماو گەریلێوە شې کە نەزانې دەسش چکۆنە بنیۆرە. یان، ڕاپیماو گەریلای بې کە بەمەڵامەتو ئاماڎەنەکەردەی "یاساکاو ئەنتیگراسیۆن"یوە گێڵێنێوە پەی شۊنەماکاو ۋێشا. ئێمە مزانمې ئەنقەرە و میدیاو دەسەڵاتیی پەی ئانەی "هامشێوەو خابووری نەبۆ" و هامسۆزیی پەی گەریلای وەش نەبۆ، فشارش جە پرۆسەو ئامادەسازیی مەراسیمەکەی کەرڎ. بەڵام دەقە دوور جە پروپاگەندەکەی و مەراسیمە کوڵەکە، کاریگەرییەکەش جە خابووری کەمتەر نەبې. ئانەی ۋەروچەما ئێمۆ ڕووەشدا، هێزو حەقیقەتو تاریخی بې".

فاتیح پۆڵات هۊرسەنگنایش پەی قسەکاو ئەردۆغانی کەرڎ کە دماو مەراسیمەکەی، واتش: "جە سلێمانی تا سنوورو تورکیای، پاسەوانەکې و ترۊمبێلەکې پرۆتۆکۆلی چنی ئێمە بێنې. ئانڼەی من یاوانینە، پەی لوایڕاوەو مەراسیمەکەی بەشێوێوە سەرکۊتانە، هەستیاریێوە گۊرە بې. هەم پەی پەدەکەی نزیک جە ئەنقەرەی، هەم پەی یەنەکەی کە جە ڕوو تاریخیوە نزیکا جە تەڤگەرو ئازادیی کوردیوە، مێمانداریکەردەی سەرکۊتانەو ئی مەراسیمەیە، ماناو تاقیکەردەیۆیې دیپلۆماسی گرنگ بې.

سەرسەعبو شەممەی، وەختې ئامایمې ئامەد، گۊشما دارا قسەکا ئەردۆغانی. دماتەر ڕەخنەما چنەگێرت. شرۆڤەی جیاواز وزیا ڕووە. خاڵەی هامبەشە ئانې بې ئەردۆغان ئا پەیامە 'تاریخیەشە' نەڎا کە چنەش چەمەڕا کریې. بەڵام کاتێ مقارنە کریا بە هەڵوێسو ئەردۆغانی کە پەی ماوێوە فرەی پەشتیوانیش چی پرۆسەیە نیشانە نەڎا بې، جە ڕاو ئی وتارێوە زیاتەر بەشداری پرۆسەکەیش کەرڎ. کریۆ واچمې جە وتارەکێشەنە پېسە 'سەرۆک'ی بە فشارۆ جمانۆ. جە لېوە ئی وتارې هەڕەشێش چنەبێنې.

متاومې ئینەی بە ڕۆسنی واچمې، پېسە بەسێ هۆزاتە جە ئەرەیاۋناکەیشەنە ئاماژەش پنە کەرد، پرۆسەکە چیولای زەحمەتتەر بۆ، ئینە پەی ئەردۆغانیچ ڕاسا. ئەر گەلاو تورکیا و هەرێمەکەی بەدرووسی جە پرۆسەکەی بیاوانە، ئینە دەرفەتێوە ئاشتی بە گرڎ لێوە بەخشۆ. بەگوێرەو ڕاپەرسایەکا ڕای گرڎیی، ئەر وچیۆ "ئی پرۆسە ئیسفاڎەش پەی من نمەبۆ" و هەوڵو شێونایش بڎریۆ، ئانە بۆ بە مایې وڕای و هۊرشێونایۆ پڕۊسەکەی. جە دەقو قسې 'گرووپو ئاشتی و گلېرگەی دیموکراتیک'ینە، ئانەما پەی بەروزۆ کە ئی پرۆسە تەنیا جە ما بەینو تەڤگەرو سیاسیی کوردی و دۊڵەت/ئاکەپەینە نییا: "بەتایبەت ژەنی و جوانا، کرێکارا و زەحمەتکێشا، بانگەواز جە گەلا و هێزە دیموکراتیک و سۆسیالیستەکا و ڕۆشنۋیرا و نوویسەرا و ئەکادیمییەکا و پارێزنەرا و هونەرمەڼا و سیاسەتمەدارا مکەرا کە بە دروسی چی هەنگامە تاریخیې بیاوانە و پاڵپەشتی جە ئێمە و گەلەکەیما بکەرا".