ناوەندی ڕاگەیاندنی هێزەکانی سووریای دیموکراتیک (قەسەدە) پەیوەست بە شەهیدبوونی شەڕڤانیان جگەر باشکالە (فەرهاد پارلاک) ڕاگەیاندراوێکی نووسراوی بڵاوکردوە و ئاماژەی بەوەدا، شەڕڤانیان جگەر باشکالە لە ١٥ـی تەممووزی ٢٠٢٥ لە گوندەکانی دەورووبەری کۆبانێ لە ئەنجامی ڕووداوێکی هاتوچۆدا شەهید بووە.

لە ڕاگەیاندراوەکەدا سەرنج خراوەتەسەر وڵاتپاریزی بنەماڵەی شەهید جگەر باشکالە و دەستنیشان کراوە بنەماڵەی هێژای شەهید چەندین شەهید و قوربانییان داوە لە پێناو پارێزگاری خاکەکەیاندا.

هەر لە ڕاگەیاندراوەکەدا ئاماژە بە چالاکی و لێهاتوویی شەهید جگەر کراوە لە نێو هێزەکانی قەسەدەدا. وە دەستنیشان کراوە لە پێناو پارێزگاری لە ئامانجەکانییدا شەهید جگەر چەندین جار بریندار بووە و چاوێکی لە دەستداوە.

قەسەدە سەرەخۆشی لە بنەماڵەی هێژای شەهید کردووە و بەڵێنی درێژەدان لەسەر تێکۆشانی ئازادی دووپاتکردووەتەوە لە پێناو بەدیهێنانی خەونی شەهیداندا.

ناسنامەی شەهید بەم شێوەیەیە

ناسناو: جگەر باشکالە

ناو و پاشناو: فەرهاد پارلاک

ناوی دایک: خەجێ

ناوی باوک: تاهیر

شوێن و کاتی شەهیدبوون: گوندی ئەبوو سرەی کۆبانێ / ١٥ـی تەممووز.