کۆنفرانسو ڕۆشنگەریی شەنگالی کە پېسە جوابدایۆ ٧٣ فەرمانەکەو سەرو گلېرگەو ئێزدییەکا ئەنجام مڎریۆ، بە جۆشێوە گۆرۆ جە سەعات ٠٩:٠٠ دەسشپنەکەرڎەن. ڕابەر ئاپۆ پەیامێوە تایبەتش پەی کۆنفرانسەکەی کیاستەن.
ئارۆ شەنگالو پەناگەو پیرۆزو ئێزدییەکانە، کە ١١ ساڵې چێوەڵی کۆت وەرو دڕندەتەرین کۆمکوژی، کۆنفرانسێوە گرنگ لواڕاوە.
کۆنفرانسو ڕۆشنۋیری شەنگالی کە بە درووشمۊو "بانگەوازو گلێرگە و دیموکراتیکی جواب و ٧٣ فەرمانان" ئەنجام مڎریۆ. بە جۆشوخرۆشێوە فرۆ دەسش پنە کەرد. کۆنفرانسەکە جەلایەنو ئەکادیمیاو زانستە کۆمەڵایەتییەکا عەبدوڵا ئۆجالانیۆ ئەنجام دریۆ.
کۆنفرانسەکە سەعات ٩:٠٠ بە بەشداری سەڎان مێمانا جە شەنگال و چبەرو شەنگالی دەسش پنە کەرد. گرڏ و دامودەزگاکا ئیدارەو وێڕاوەبەری شەنگالی، تەڤگەرو ئازادی ژەنا ئێزدی (تاژێ)، یەکینەکا مڏرامان و شەنگالی (یەبەشە)، یەکنەکا ژەنا شەنگالی (یەبەشە)، ئاسایشو ئێزیدخانی، یۆبییە و جوانا ئێزیدخانی، ژەنێ جوانێ شەنگالی، کەسایەتییە ئاینییەکا ئێزدی، پارتە سیاسییەکا و ڕێکوزیاکا گلێرگە و مەدەنی شەنگالی، نوێنەرێ گەلوو عەربی هامشانو گرڏ و بەش و پێکئامایەکا ئێزدی و خەڵکو شەنگالی بەشداری کۆنفرانسەکەی بیێ. هەرپاسە گرووپێوە ١٥ کەسی جە چالاکوانا سیاسی، ئەکادیمی و ڕۆنامەوانا پێکئامێبێنێ و جە بەغاوە بەشداری کۆنفرانسەکەینێ.
ڕێنێسانس گلێرگەو ئێزدی بەرەو سەربەخۆیی بەرۆنە'
کۆنفرانسەکە بە دەقێوە ڕێزگێرتەی پەی یاڏ و گەشمەرڏا دەسش پنە کەرد. دماتەر هامسەرۆکو ئەنجوومەنو وێڕاوەبەری دیموکراتیکو شەنگالی، جیهان جەلۆ، سەر و نامێ ئیدارەو وێڕاوەبەری قسێش کەردێ و واتش: "ئی کۆنفرانسە جە ئەندازیاری ئازادیی، ڕابەر ئاپۆی، موبارەک مکەرمێ. ڕێنێسانسو ئێزدییەکا، ئێزدییەکا جە چێردەسیۆ بەرەو سەربەخۆیی بەرۆ. ڕابەر ئاپۆ بانگەواز جە گلێرگە و ئێزدی مکەرۆ کە پارێزنا و جەوهەرو وێش و ڕاوەبەری جەوهەریی وێش پەرە پنە دۆنە".
سەر و نامێ دەسە و پیایا ئایینی، مام شوەیش، واتش: "ئیتر مشۆم بیمێ یەک دەس و یەک قەرار".
تاژێ: کۆنفرانسەکەی جە سەرۆک ئاپۆی پیرۆز مکەرمێ
نەعام ئیلیاس سەر و نامێ تاژێ پەیامێوەش پێشکەش کەرد، واتش: "ئی کۆنفرانسە بەرهەمو گەشمەرڏان، ساڵیاڏ و فەرمانی نزیک بۆوە، جەنگاوەرا ئازادیی یاڏمکەرمێوە کە ئامێ بە هاوارو ئێمۆ و ئی کۆنفرانسەشا چنە پیرۆز مکەرمێ. هەرپاسە ئی کۆنفرانسەی جە سەرۆکو گەلا چێردەسا، سەرۆک ئاپۆی، موبارەک مکەرمێ".
پەیامو ڕابەر ئاپۆی ونیۆوە
ڕابەر ئاپۆ کە بانگەوازو ڕێنێسانسو ئێزدییەکاش کەردەبی، پەیامێوە تایبەتش پەی کۆنفرانسەکەی گیانان. هەرپاسە ئەندامو کۆنسەو سەرۆکایەتی کەجەکەی، سۆزدار ئاڤێستاش پەیامێوە ڤیدیۆییش پەی کۆنفرانسەکەی گیانان.
دما و وانایۆ و تەماشاکەردە و پەیامەکا، بەڵگە فلیمێوە دەربارەو بانگەوازو ئاشتی و گلێرگە و دیموکراتیکی و ئەوەکۆشای وێڕاوەبەری شەنگالی تەماشە کریۆ.
جە ڕۆی یوەمینە ٥ وتارێ پێشکەش کریانە
کۆنفرانسەکە ٢ ڕوێ بەردەوام بۆنە و پەڕ و دۆڵەمەن بۆند، جد وتارەکانە ٩ بابەتێ پێشکەش کریانە و تاوتوێ کریانە.
بابەتەکێ یوەم ڕۆو کۆنفرانسەکەی ئینێنێ:
بییە و گلێرگە و ئێزدی جە ڕەوتو تاریخینە
ئێزدی و ئێزدایەتی جە چوارچێوەو کلتوور_بڕوا و فەلسەفەینە
ڕۆشنکەردەیۆ و حەقیقەتو ژەنا جەڕاو ژنۆلۆژییۆ پێسە و جەوهەری و ئەوەمةنڼەو گلێرگەو
حەقیقەتو وڵاتی_وڵاتپارێزیی و ئیکۆلۆژی دلێ تاڵان و قڕکەردەینە
زیهنیەتو فەرمانی، حەقیقەتو قڕکەردەی بەڎەنی و کلتووریی
