لە شاری هێلسنکی پایتەختی فینلاند بە بۆنەی ساڵوەگەڕی شۆڕشی ڕۆژئاوا ئاهەنگی پیرۆزبایی بەڕێوەچوو. ئاهەنگەکە لە لایەن تۆڕی پشتیوانی کوردستان، ڕێکخراوە شۆڕشگێڕییەکان، هاوڵاتیانی فینلەندی و کوردەوە ئامادە کرابوو.

ئاهەنگەکە بە خولەکێک ڕێزگرتن بۆ ڕۆحی بەرزی شەهیدان دەستی پێکرد. لە ئاهەنگەکەدا وتارەکان بە زمانەکانی کوردی و فینلاندی پێشکەش کران.

هەروەها ساڵح موسلیم ئەندامی دەستەی سەرۆکایەتی پارتی یەکێتی دیموکراتیک (پەیەدە) بەشیوەی ئۆنلاین بەشداری لە بەرنامەی پیرۆزباییەکە بوو و هەڵسەنگاندنی کرد. پاشان ئەحمەد دلێر، هونەرمەندی ڕۆژئاوا هاتە سەر شانۆ و گۆرانیەکانی پێشکەش کرد.

بەرنامەکە بە پێشکەش کردنی ئاواز و سەما بەردەوام بوو.