جە ماوەو ٢٤ سەعاتانە جە سووریا ١٠ کەسێ کوشیێنی
سۆهر ئەرەیاوناش جە ماوەو ٢٤ سەعاتانە جە ناوچە جیاوازەکا سووریاینە بە مەڵامەتی جیاواز ١٠ کەسێ کوشیێنی کە چوارشا زاڕۆڵێنێ.
ڕوانگەو سووری پەی مافەکا مرۆڤی (سۆهر) ئامارە و ڕووەدایەکا کوشتە و ماوەو ٢٤ سەعاتا ویەردە و سووریایش وەڵاکەردۆ و ئاماژەش پانەیەدا بە مەڵامەتی جیاواز ١٠ هاموڵاتیێ سووریێ کوشیێنی و چوار چانیشا زاڕۆڵێنێ.
سۆهۆ ئاشکراش کەرد جە ناوچە و زەبلەتانی سەر بە دیمەشقی تەرمو زاڕۆڵێوە کناچێ تەمەن یەرە ساڵ بە کوشییای ئیزیانۆ، کە حەفتێوە چێوەڵتەر بڕفانریێبێ.
هەرپاەر دەستنیشانش کەردەن جە شارو حەمای سەروازێوە فیرقە و چوار و وەڵینو سووریای بە هرووژم و چن چەکدارێوە نەشناسریا کوشیان، وە جە دەگانشین و تەرتوسیج تەرمو جوانی وینریاوە کە چن ڕوێ چوەڵتەر بڕفانریابێ.
بە پاو سۆهری جە دێرەزۆر زاڕۆلێور بە مەڵامەتو تەقایۆ ئەڵغامیۆ بەرماوەو جەنگیۆ گیانش جە دەسدان، هەر پاسە بە هەمان شێوە زاڕۆڵێوەتەر جە مەسکەناو گوندەوارو حەلەبی گیانش جە دەسدان.
سۆهر ئەرەیاوناش جە دەگاو حومسی گرووپێوە چەکداری هاموڵاتییێ مەدەنیشا کوشتەن. هەرپاسە جە دەگا کا ئیدلب ئەندامێوە هێزە ئەمنییەکا حکومەتو دیمەشقی کوشییان.
سۆهر ئاماژەش پانەیش دا جە ناوچەو سفێرەو گوندەوارو حەلەبی سەروازێوە وەڵینو ڕژێمو بەعسی کوشیان، وە جە شارو حەلەبی کەسێوە لایەنگر بە ڕژێمو بەعسی وڕا کوشیان. زانریان جە عەشارییش زاڕۆڵێوەتەر جە ئەنجامو تەقەکەردەێوە نادیارا و کوشیان.
