وێرەگاو ھێزی جە سەنتەروو ڕۊشنۋیریی شاروو کەرکوکوو پانیشتوو کورڎسانینە، جە لاېەنوو لقوو کەرکووکوو سەنڎېکاو ھونەرمەنڎاو کورڎسانیوە، مەراسیمێوە ڕێک وزېا، جە مەراسیمەکەنە بڕوانامەو ڕێزئەرەنیای بەخشیا بە(20) ھونەرمەنڎا کە جە مەجالەکاو ( شانۊ، میوزیک، فلیمسازی، شێوەکاری)نە خزمەتشا کەردەن، ئا ھونەرمەنڎۍ دەورێوە خاسشا بییەن جە خزمەتکەردەی شاروو کەرکەرکووکینە جە ڕووەو ھونەریوە.

سەبارەت بە مەراسیمەکەی "سیروان عومەر" سەرۊکوو لقوو کەرکووکوو سەنڎیکاو ھونەرمەنڎاو کورڎسانی، بە ئاژانسوو ھەواڵوو فوراتی (ANF)یش وات: ئێمە پێسە سەرۊکوو لقوو کەرکووکوو سەنڎیکاو ھونەرمەنڎاو کورڎسانی، بە ئەرکوو سەروو شانەو وێما زاناما، کە خەڵاتوو چن ھونەرمەنڎێۋە شاروو کەرکووکی کەرمێ جە پاو ئا مانیایی و خزمەتەیە کە بە بواروو ھونەری و ھونەرمەنڎاو شارەکەیشا کەردەن.

سەبارەت پا بەش و مەجالا کە خەڵات کریێنۍ، سەرۊکوو لقوو کەرکووکوو سەنڎیکاو ھونەرمەنڎاو کورڎسانی بەرش وست: ئێمە جە بواروو ھونەرینە چوار بەشێما ھەنۍ،  کە ئاڎێچ پێک ئامێنۍ جە " شانۆ، میوزیک، فیلمسازی، شێوەکاری"ینێ، جە مەراسیمەکەنە، پۍ ھەر بوارۍ جە بوارەکاو ھونەرینە پەنج ھونەرمەنڎۍ فرە چالاکێما ھورچنیۍ، بەتایبەت ئا ھونەرمەنڎۍ، کە دەوری خاسشا وینان جە خزمەتکەردەی  بە ھونەروو شارەکەېنە.

جە دما دمایی قسەکاشنە "سیروان عومەر" واتش؛ بێگومان بەخشای خەڵاتوو ڕێزئەرەنیای کاریگەریێوە خاسش بۊ  پۍ ھاندای ھونەرمەنڎا، کە حەقدەسوو چالاکبییەی وێشانە. ئې مەراسیموو ڕێزئەرەنیایە ھاندەرێوە مەعنەوین، کە بۊ بە مەڵامەتوو زیاتەر چالاکبییەی ھونەرمەنڎا پۍ ئانەی خزمەتې زېاتەر جە بواروو ھونەرینە کەرا .

ھ.ئ