ھێزی خەڵکو جوانڕۊی لوۍ پێواو بانگەوازەکاوە پۍ بەشڎاری کەرڎەی جە چلۍ شەھیڎاو سەرھۊرداکاو ۋەرکەوتو کورڎسانی. ھاموڵاتیۍ وێنیشاندەرۍ  کۊتۍ ڕا پۍ زېارەتەکا 'حاجی ئیبراھیمې ' ھێزە ئەمنیەکۍ ڕاگیریشا جە خەڵکەکەی کەرڎ و جە عاقیبەت و ھجومو ھێزە ئەمنیەکانە جۋانێوە شارەکەې شەھیڎ بی و (٧) کەسۍ تەریچ زامڎارۍ بیۍ کە (٢) چا کەسا زارۊڵێ بێنۍ .

ھێزی سەرەڕاو کەشێوی ئەمنې تنی ھاموڵاتیۍ شارو جوانڕۊی بە مەبەس و بەشڎاری کەرڎەیشا جە چلۍ شەھیڎاو سەرھۊرداکاو ئاخێزو گەلا ئێرانی کۊتۍ ڕا پۍ زېارەتەکا 'حاجی ئیبراھیمې ' سەڎان کەسۍ جە ھێزە ئەمنیەکایچ بە وستەیرەی ئا ڕاېا کە ملاوە سەرو زېارەتەکەی ڕاگیریشا جە ھاموڵاتیاکەرڎ کە بلا سەرو مەزارو شەھیڎاو بە غازو ھەڵس متەی و گولۍ جەنگیۍ ھجومشا کەرڎ سەرو ھاموڵاتیا . ھێزە ئەمنیەکۍ جە شارەکەیچەنە بە غازو ھەڵس متەی ھجومشا کەرڎ سەرو ېانەو ھاموڵاتیا و تەقەیچشا جە ھاموڵاتیا وێنیشاندەری کەرڎ.

جە وەران وەرو نەوەشخانەو " حەزرەت و ڕەسوڵ "ی جە شارو جوانڕۊی جە ئاکامو تەقەو ھێزە ئەمنیەکاو جمھوری ئیسلامی جە وێنیشاندەرا (٨) کەسۍ زامڎارۍ بیۍ  کە دوۍ چایشا زارۊڵۍ بێنۍ  زارۊڵێوەشا تەمەنش (٧) ساڵێن و ئەویتەرشا تەمەنش (١٣) ساڵێن، جۋانێۋە تەمەن (٢٢) ساڵیچ بە نامۍ بورھان ئەلیاسی شەھیڎ بی .

ژەنۍ ئازاڎی وازێچ شان بە شان و پیایا مجیێرە جاڎەکاو  بە بەرزکەرڎەېۊ پۊستەرو لافیتەکا " ژەنی ، ژېای ، ئازاڎی " جە جوانڕۊ تا تاران ستەم جە دژو ژەناو دژو ېاسا دژە ژەنیەکا جمھوری ئیسلامی  ناڕەزایی نیشانە درېا .

ھ.ئ