جە شاروو گینتیی بەلجیکای جەداردای وێنیشاندەرا ئێراننە ئیدانە کریا
جە شاروو گینتی بەلجیکانە بە ڕاپیمای، جەداردای دووۍ گەنجا ئێراننە و وەرکەوتوو کوردستانینە، ئیدانە کریا.
هەزاران کەسۍ جە شاروو گێنتی جە بەلجیکانە، پەی ئیدانەکەرڎەی جەداردای دووۍ گەنجا ئێراننە و وەرکەوتوو کورڎسانینە کوۍ بییوە و بە ڕێکوستەی ڕاپیماۍ، ناڕەزاییشا بەر وست.
پارتوو ژیوای ئازاڎوو کورڎستانی (پەژاک) و گلێرگەو ژەناو ئازاڎیى وەرکەوتوو کورڎستانی (کەژار) و لایەنە وەرهەڵێسکارەکا ئێرانی و وەرکەوتوو کورڎستانی، بەشڎارییشا چالاکییەکەنە کەرد. جە چالاکییەکەنە کارڎایۊ و ناڕەزایی دژوو جەداردایەکا بەر وزیا.
چالاکییەکەنە مۊمۍ پەی یاڎوو ئا چالاکا گیسیێنە، کە ئێراننە کوشیێنۍ.
ڕاپیماکەی تا دلۍ ستادهاڵی درێژەش کێشا، ڕاپیماکەینە درووشموو "ژەنی، ژیوای، ئازاڎی" وچیێوە. بەلجیکییەکێچ پەشتگیرییشا چەنە کەرد، جە چالاکییەکەنە فرەو کەسی واچەشا پێشکەش کەرد و پەشتیوانیی وێشا پەی ئەرەپڕایەکا بەر وست و جەداردای چالاکەکاشا ئیڎانە کەرد.
