جە شاروو لیۆن-ینە بە چالاکیی ڕاپیمای ېاڎوو شەھیڎاو پاریسی کریاوە .
جە شاروو لیۆن-وو فەڕەنساېنە ڕاپیماێوە پۍ شەرمەسارکەرڎەی کۆکوشییەکەو پاریسی و ېاڎکەردەېۊ شەھیڎەکا ڕێک وزیا .
ئەڤین (ئەمینە کارا) و میرپەرۋەر و عەبدوڕەحمان کزل، جە ھجوومەکەو سەروو دلێنەو ڕۊشیویری کوردی "ئەحمەد کاېا"ېنە جە پاریس
شەھیڎۍ بیۍ . سەڎان کورڎۍ چنی دۊسەکاشا جە مەحاڵوو بێلکۆری جە شاروو لیۆنوو فەڕەنساېەنە گلێرۍ بیێۋەو ېاڎێشا کەرڎێۋە .
جە ڕاپیماکەېنە تووڕەیی و ناڕەزاېې جە وەرانوەروو بکوشەکەی و دۊڵەتوو ترکیەی بە دروشمە نیشانە درېا . ڕسموو ېەرە شەھیڎەکا و عەلەمەو پەکەکەی بەرزۍ کرېێوە .
جە ڕاپیماکەنە ھەرېۊ جە نوێنەروو گلێرگەو عەلەوی و ڕێکوزېایەکا گلێرگەی مەڎەنیی فەڕەنسای بەشڎارۍ بێنۍ .
جە چالاکییەکەنە وچیا ئا کۆکوشییە بە شێوێوە ڕۊشن و ئاشکرا جە لاېەنوو دۊڵەتوو ترکیەېۊ کرېان و ھەرگیز قبووڵ مەکرېۊنە .
دماتەر بەشڎاربیۍ ڕاپیماکەی بە دروشمەو " بژیۊ سەرۊک ئاپۊ " ژەنی ژېواې ئازاڎی " ڕووەو بیناو شارەوانیی لیۆنی کۊتۍ ڕا .
وەربەرەو بیناو شارەوانینە سروودەو سەردەموو ئاخێزی ونیاۋە و چالاکییەکە دماېش پنە ئاما .
ھ.ئ
