حه‌ر یۊ جه كۊنگرەو دیموكراتیكوو گەلا -هەدەكە، بزووتنەوەو ژەنە ئازاڎا –تەژەئا، پارتوو دیموكراتیكوو گەلا -هەدەپە، پارتوو هەرێمە دیموكراتیكەكا -دەبەپە، كۊمەڵەو پەشتیوانی و هامكاریی بنەیانەو زینڎانیا ئەگە -ئەگە توهای دەر، پەشتیوانییشاپەی ئا ڕاپیمایە بەر وست، کە بڕیارا جە ساڵیاڎوو پیلانگێڵنای بەیننەتەوەیی ١٥ شوباتی ١٩٩٩، جە دژوو ڕابەروو گەلوو كوردی، عەبدوڵڵا ئۊجالانی ڕێك وزیۊ.

قەرارا ڕاپیمایەكە بە دروشموو "بە مەراموو چارەسەری بەرەو ئیمراڵی ڕا پیممێ" ڕۊو ٦ ئی مانگۍ جە مەحاڵوو قۊسەری مێردینی و جە مەحاڵوو گەڤەروو جۊلەمێرگیوە بەرەو گەملیك (ئا شارۊچكە کە بەندەروو لواین بەرەو دورگەو ئیمرالی) دەس پەنە کەرۊ.

چا بارۊ نیلای گوڵسەر، هامسەرۊكەو ئەگە توهای دەر، جه‌ شاروو ئیزمیری جە كۊنفراسێوە ڕۊنامەنویسینە، ئەرەیاوناش، جە زینڎانوو ئیمراڵینە یاسا، ماف، دەسوور و بنەما گەرڎوونییەكۍ وەرەچەم مەگێریا و واتش: ئا دۊخە نایاساییە نەك حەر پەی بەڕێز ئۊجالانی، پەی  تەماموو گلێرگەی تەرسێوە گەورێنە، سیستموو گۊشەگیری بە گرڎوو جومگەكانە وەڵا بییەنۊ، چارەسەری دیموكراتیك و ئاشتییانەو پەرسەو كوردیش بە ئامانج گێرتێنە و گەرەکشا تاریكی سەروو توركیاینە سەپنۊ.

گوڵسەر باسش چانەیە کەرد، كە پاشێلكەردەی مافەكاو ژیوای، تەندروسی و ئاسایشوو زینڎانییا جە زینڎانەكانە یاوان حاڵەتوو تەرسۍ.

واتیچش: داوا جە گرڎوو پێكئاماكاو گلێرگەی كەرمۍ، كە بەینوو ٦ پەی ١٥ شوباتینە جە دژوو گۊشەگیری و سیاسەتەكاو جەنگی كۊشیا و بە ماڕای سیاسەتەكاو گۊشەگیری بەرەو ئاشتی و ئازاڎی ڕاپیمای كەرا.

ئاماژەش پانەیچە كەرد، جە ١٥ شوباتینە ئێمە ئەستەنبووڵۊ ملمۍ گەملیك و پەی ئانەیچ بانگەواز ئاڕاسەو گرڎوو ڕای گرڎینوو دیموكراتیكی و گەلەكەیما كەرمۍ.

ئینەیچ وەختێوەنە، هیزی جە مەحاڵوو گەڤەری، كە ڕاپیمای جە دژوو گۊشەگیری بەرەو گەملیك چاوە دەس پەنە كەرۊ، بانگەوازوو بەشڎاربییەی جە خەڵکی كریا و وچیا، بەشڎاربییا ڕاپیماكەی، سەعات ١٠:٠٠ ڕۊو ٦ شوباتی، وەردەموو بیناو هەدەپەیۊ بەرەو ئەلباك گنا ڕا و داوایچ كریا خەڵکی، كە دژوو جەنگینۍ و لایەنگروو ئاشتینۍ، حەرپاسە نوێنەراو ڕێكوزیا و ئەرەمەرزیا مەڎەنییەكا، كە پا گێرارە سەروو سیاسەتوو دیموكراتیكی و بەشڎاریی ئی ڕاپیمایە كەرا.

ڕ.ڕ